കോഴിക്കോട്: കുറ്റ്യാടിയിൽ മിന്നൽ ചുഴലി. കുറ്റ്യാടി കായക്കൊടിയിലാണ് ഇന്ന് വൈകുന്നേരം മിന്നൽ ചുഴലി വീശിയത്. കായക്കൊടി പഞ്ചായത്തിലെ പട്ടർകുളങ്ങര, നാവോട്ട്കുന്ന് ഭാഗങ്ങളിലാണ് അതിശക്‌തമായ കാറ്റ് വീശിയത്. നാവോട്ട്കുന്നിൽ മൂന്ന് വീടുകൾ തകർന്നു. രണ്ടു വീടുകൾക്ക് കേടുപാട് പറ്റി. പ്രദേശങ്ങളിൽ വൈദ്യുതി ബന്ധം താറുമാറായി.
അതേസമയം, സംസ്‌ഥാനത്ത്‌ ഇന്നും നാളെയും അതിശക്‌തമായ മഴയ്‌ക്ക് സാധ്യത ഉണ്ടെന്നാണ് മുന്നറിയിപ്പ്. കോഴിക്കോട്, കണ്ണൂർ, കാസർഗോഡ് ജില്ലകളിൽ ഇന്ന് ഓറഞ്ച് അലർട്ടാണ്. പത്തനംതിട്ട, കോട്ടയം, എറണാകുളം, ഇടുക്കി, തൃശൂർ, പാലക്കാട്, മലപ്പുറം, വയനാട് ജില്ലകളിൽ യെല്ലോ അലർട്ടുമാണ്. കോഴിക്കോട്, കണ്ണൂർ, കാസർഗോഡ്, വയനാട് ജില്ലകളിൽ നാളെയും ഓറഞ്ച് അലർട്ടാണ്. കേരളാ തീരത്ത് മൽസ്യബന്ധനത്തിന് വിലക്കുണ്ട്.
Most Read| 116ആം വയസിൽ ലോക മുത്തശ്ശി റെക്കോർഡ്; കൊടുമുടി കീഴടക്കിയത് രണ്ടുതവണ
