വാഷിങ്ടൻ: ചൈനയുമായി ബ്രിട്ടൻ വ്യാപാരബന്ധത്തിൽ ഏർപ്പെടുന്നത് വളരെ അപകടകരമാണെന്ന് യുഎസ് പ്രസിഡണ്ട് ഡൊണാൾഡ് ട്രംപ്. ബ്രിട്ടീഷ് പ്രധാനമന്ത്രി കിയ സ്റ്റാമെർ ചൈനീസ് പ്രസിഡണ്ട് സി ജിൻപിങ്ങുമായി ചർച്ച നടത്തുന്നതിനായി ബെയ്ജിങ് സന്ദർശിക്കുന്ന സമയത്താണ് ട്രംപിന്റെ പരാമർശം.
ഭാര്യയും യുഎസ് പ്രഥമ വനിതയുമായ മെലാനിയ ട്രംപിനെക്കുറിച്ചുള്ള ഡോക്യൂമെന്ററിയുടെ പ്രീമിയറിൽ പങ്കെടുക്കവെയാണ് ബ്രിട്ടൻ ചൈനയുമായി വ്യാപാരത്തിൽ ഏർപ്പെടുന്നതിനെ കുറിച്ച് മാദ്ധ്യമപ്രവർത്തകർ പ്രതികരണം തേടിയത്. ബ്രിട്ടൻ അങ്ങനെ ചെയ്യുന്നത് വളരെ അപകടമാണ് എന്നായിരുന്നു ട്രംപിന്റെ മറുപടി.
കൂടാതെ, ”കാനഡ ചൈനയുമായി വ്യാപാരത്തിൽ ഏർപ്പെടുന്നതും അപകടകരമാണെന്ന് ട്രംപ് പറഞ്ഞു. കാനഡയുടെ നില അത്ര നല്ലതല്ല. അവർ വളരെ മോശം അവസ്ഥയിലാണ്. അതിനൊരു പരിഹാരമായി ചൈനയെ കാണാൻ കഴിയില്ല”- ട്രംപ് പറഞ്ഞു.
എന്നാൽ, ചൈനയിൽ നടത്തിയ സന്ദർശനത്തിലൂടെ ധാരാളം തൊഴിലവസരങ്ങൾ തുറക്കാൻ സാധിച്ചെന്ന് സ്റ്റാമെർ പറഞ്ഞു. ”ചൈന ലോകത്തിലെ രണ്ടാമത്തെ വലിയ സാമ്പത്തിക ശക്തിയാണ്. നമ്മുടെ മൂന്നാമത്തെ വലിയ വ്യാപാര പങ്കാളിയുമാണ്. ഈ സന്ദർശനത്തിലൂടെ, തൊഴിലവസരങ്ങളും സമ്പത്ത് ഉണ്ടാക്കുന്നതിനും വേണ്ടി ധാരാളം അവസരങ്ങൾ ഞങ്ങൾ തുറന്നിട്ടുണ്ട്”- സ്റ്റാമെർ പറഞ്ഞു.
അതേസമയം, പാശ്ചാത്യ നേതാക്കൾ ചൈനയുമായി അടുത്തബന്ധം സ്ഥാപിക്കാൻ കൂടുതലായി ശ്രമിച്ചുവരികയാണ്. എട്ടുവർഷത്തിന് ശേഷം ആദ്യമായാണ് ഒരു ബ്രിട്ടീഷ് പ്രധാനമന്ത്രി ചൈനീസ് ഉദ്യോഗസ്ഥരുമായും കൂടിക്കാഴ്ച നടത്തുകയും സഹകരണ കരാറുകളിൽ ഒപ്പുവയ്ക്കുകയും ചെയ്തു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
