തമിഴ്നാട്ടിൽ മന്ത്രിമാരുടെ വകുപ്പുകൾ പ്രഖ്യാപിച്ചു; ആഭ്യന്തരം മുഖ്യമന്ത്രി വിജയിക്ക്
പൊതുഭരണം, ജനറൽ അഡ്മിനിസ്ട്രേഷൻ, പോലീസ്, വനിതാ-യുവജന ക്ഷേമം, ശിശുക്ഷേമം, മുതിർന്ന പൗരൻമാരുടെയും ഭിന്നശേഷിക്കാരുടെയും ക്ഷേമം, നഗരസഭ ഭരണം, നഗര-കുടിവെള്ള വിതരണം എന്നീ സുപ്രധാന വകുപ്പുകൾ കൂടി വിജയ് കൈകാര്യം ചെയ്യും.
ചെന്നൈ: തമിഴ്നാട്ടിൽ മന്ത്രിമാരുടെ വകുപ്പുകൾ പ്രഖ്യാപിച്ചു. മുഖ്യമന്ത്രി സി ജോസഫ് വിജയ് ആഭ്യന്തര വകുപ്പ് കൈകാര്യം ചെയ്യും. പൊതുഭരണം, ജനറൽ അഡ്മിനിസ്ട്രേഷൻ, പോലീസ്, വനിതാ-യുവജന ക്ഷേമം, ശിശുക്ഷേമം, മുതിർന്ന പൗരൻമാരുടെയും ഭിന്നശേഷിക്കാരുടെയും ക്ഷേമം, നഗരസഭ ഭരണം, നഗര-കുടിവെള്ള വിതരണം എന്നീ സുപ്രധാന വകുപ്പുകൾ കൂടി വിജയ് കൈകാര്യം ചെയ്യും.
മന്ത്രിമാർ/ വകുപ്പുകൾ
കെഎ. ചെങ്കോട്ടയ്യൻ- ധനകാര്യം
കെജി. അരുൺ രാജ്- ആരോഗ്യം
പി. വെങ്കിട്ടരാമൻ- ഭക്ഷ്യം, പൊതുവിതരണം
ആദവ് അർജുന- പൊതുമരാമത്ത്, കായികം
എസ്. കീർത്തന- വ്യവസായം
ആർ. നിർമൽ കുമാർ- ഊർജം, നിയമം
രാജ്മോഹൻ- സ്കൂൾ വിദ്യാഭാസം
ടികെ. പ്രഭു- പ്രകൃതിവിഭവം
തമിഴ്നാട് നിയമസഭാ തിരഞ്ഞെടുപ്പിൽ വിജയ്യുടെ പാർട്ടിയായ ടിവികെ (തമിഴക വെട്രി കഴകം) വലിയ വിജയമാണ് നേടിയത്. ആദ്യമായി നിയമസഭയിലേക്ക് മൽസരിച്ച ടിവികെ 234 സീറ്റുകളിൽ 108 എണ്ണത്തിൽ വിജയിച്ചു. ഭൂരിപക്ഷം തികയാത്തതിനാൽ കോൺഗ്രസ് (5), സിപിഎം (2), സിപിഐ (2), വിസികെ (2), മുസ്ലിം ലീഗ് (2) എന്നീ കക്ഷികൾ പിന്തുണ പ്രഖ്യാപിക്കുകയായിരുന്നു.
എന്നാൽ, തിരഞ്ഞെടുപ്പിൽ കനത്ത പരാജയം ഏറ്റുവാങ്ങിയതിന് പിന്നാലെ അണ്ണാ ഡിഎംകെ (എഐഎഡിഎംകെ) പിളർന്നു. സിവി. ഷൺമുഖം നയിക്കുന്ന ഒരുവിഭാഗം ഭരണപക്ഷമായ ടിവികെയ്ക്ക് പിന്തുണ പ്രഖ്യാപിച്ചു. പിന്നീട് 144 അംഗങ്ങളുടെ പിന്തുണയോടെയാണ് ടിവികെ സർക്കാർ വിശ്വാസ വോട്ടെടുപ്പിൽ വിജയിച്ചത്.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
