നഗോയ:20ആമത് ഏഷ്യൻ ഗെയിംസ് ഏഴാം ദിനത്തിൽ ചരിത്ര മെഡലോടെ ഇന്ത്യക്ക് തുടക്കം. 50 മീറ്റർ റൈഫിൾസ് പൊസിഷൻ ടീം ഇനത്തിൽ മലയാളി താരം വിദർഭ കെ വിനോദ്, തിലോത്തമ സെൻ, ആഷി ചൗക്സി എന്നിവരടങ്ങിയ ഇന്ത്യൻ സഖ്യം വെള്ളി മെഡൽ നേടി.
കോഴിക്കോട്ടുകാരി വിദർഭയുടെ രണ്ടാം മെഡലാണിത്. നേരത്തെ, 10 മീറ്റർ എയർ റൈഫിൾ വിഭാഗത്തിൽ വിദർഭയും സോനം ഉത്തം മസ്കർ, ഇളവേനിൽ വാളറിവൻ ഉൾപ്പെടുന്ന ടീമും വെള്ളി മെഡൽ നേടിയിരുന്നു. ഏഷ്യൻ ഗെയിംസ് ഷൂട്ടിങ്ങിൽ മെഡൽ നേടുന്ന ആദ്യ മലയാളി വനിതയാണ് വിദർഭ.
മറ്റൊരു ചരിത്ര മെഡലോടെയാണ് ഇന്ത്യ ഏഴാംദിനം ആരംഭിച്ചത്. പുരുഷൻമാരുടെ മാരത്തൺ ഫൈനലിൽ വെള്ളി മെഡൽ നേടി സാവൻ ബർവാൾ ചരിത്രം കുറിച്ചു. 44 വർഷത്തിന് ശേഷമാണ് മാരത്തണിൽ ഇന്ത്യ ഒരു മെഡൽ നേടുന്നത്. 1982ൽ ഡെൽഹിയിൽ നടന്ന ഗെയിംസിലാണ് ഇന്ത്യ ഇതിനുമുൻപ് അവസാനമായി മാരത്തണിൽ ഒരു മെഡൽ നേടിയത്.
രണ്ടു മണിക്കൂർ 11 മിനിറ്റ് 37 സെക്കൻഡ് കൊണ്ട് ഓടിയെത്തിയ ബർവാൾ, സ്വർണമെഡൽ ജേതാവായ ജപ്പാന്റെ ഇച്ചിതാക യമാഷിതയെക്കാൾ 48 സെക്കൻഡ് മാത്രം പിന്നിലായാണ് ഫിനിഷ് ചെയ്തത്. ചൈനയുടെ പെയ്യു ഫെങ് വെങ്കല മെഡൽ സ്വന്തമാക്കി.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
