ജപ്പാനിലെ ആഭ്യന്തര ക്യാമറ നിര്മ്മാണം അവസാനിപ്പിക്കുന്നതായി നിക്കോണ്. ഇനി തായ്ലന്ഡില് നിന്നാവും നിക്കോണിന്റെ ഉല്പാദനം. ചെലവ് കുറക്കുന്നതിനായി നിക്കോണ് ടോക്കിയോയുടെ വടക്ക് ടൊഹോകു മേഖലയിലെ സെന്ഡായ് നിക്കോണ് ഫാക്ടറിയില് നിന്ന് തായ്ലന്ഡ് ഫാക്ടറികളിലേക്ക് ക്യാമറ ഉല്പാദനം മാറ്റുമെന്നാണ് റിപ്പോര്ട്ട്.
നിക്കോണിന്റെ സെന്ഡായ് ഫാക്ടറി ഏകദേശം 27,000 ചതുരശ്ര മീറ്റര് വിസ്തൃതിയുള്ളതാണ്, 1971 ല് ആരംഭിച്ചതിനു ശേഷം തുടര്ച്ചയായി പ്രവര്ത്തിക്കുന്നു. 1979 ല് പുറത്തിറങ്ങിയ നിക്കോണ് ഇഎം ആയിരുന്നു ഈ ഫാക്ടറിയില് ആദ്യമായി നിര്മ്മിച്ച ക്യാമറ. അതിനുശേഷം, സെന്ഡായ് ഫാക്ടറി നിക്കോണിന്റെ കേന്ദ്രബിന്ദുവായി മാറി. ഇവിടെ നിന്നാണ് ക്യാമറ ഉല്പാദനവും വിദേശ ഉല്പാദനത്തിന് സാങ്കേതിക സഹായവും നല്കി വന്നിരുന്നത്.
2018 ലെ കണക്കനുസരിച്ച്, ഫാക്ടറിയില് നിന്ന് പുറത്തുപോകുന്ന ഓരോ ക്യാമറയും ലെന്സും വിശദമായി പരിശോധിച്ച് ഉറപ്പു നല്കുന്ന 352 ജീവനക്കാര് ഇവിടെയുണ്ടായിരുന്നു. എന്നാല്, കോവിഡ് നല്കിയ പ്രതിസന്ധിയെ തുടര്ന്ന് ഉല്പാദനം കുറഞ്ഞത് കമ്പനിയെ പ്രതിസന്ധിയിലാക്കി. നിക്കോണിന്റെ ഇസഡ്6, ഇസഡ്7 മിറര്ലെസ്സ് ക്യാമറകളുടെ ഉല്പാദനം ഒക്ടോബറില് തായ്ലന്ഡ് ഫാക്ടറിയില് ആരംഭിച്ചതായും റിപ്പോര്ട്ടുണ്ട്.
Also Read: എസ്എസ്എല്സി, പ്ളസ് ടു പരീക്ഷകള്; സിലബസ് വെട്ടിച്ചുരുക്കില്ല, പകരം ഓപ്ഷനുകള്
