മുംബൈ: തുടർച്ചയായ ദിവസങ്ങളിൽ ലാഭത്തിലായിരുന്ന ഓഹരിവിപണിക്ക് ഇന്ന് നഷ്ടത്തോടെ തുടക്കം. വ്യാപാര ആഴ്ചയുടെ ആദ്യദിനത്തിൽ ഓഹരി സൂചികകളിൽ നഷ്ടത്തോടെയാണ് വ്യാപാരം ആരംഭിച്ചത്. സെൻസെക്സ് 56 പോയന്റ് നഷ്ടത്തിൽ 48,977ലും നിഫ്റ്റി 21 പോയിന്റ് താഴ്ന്ന് 14,412ലുമാണ് വ്യാപാരം ആരംഭിച്ചത്.
ബിഎസ്ഇയിലെ 710 കമ്പനികളുടെ ഓഹരികൾ നേട്ടത്തിലും 662 ഓഹരികൾ നഷ്ടത്തിലുമാണ്. 89 ഓഹരികൾക്ക് മാറ്റമില്ല. ആഗോള വിപണികളിലെ നഷ്ടമാണ് ആഭ്യന്തര സൂചികകളിലും പ്രതിഫലിച്ചത്. എച്ച്ഡിഎഫ്സി, സൺ ഫാർമ, ഭാരതി എയർടെൽ, എൽആൻഡി, ടെക് മഹീന്ദ്ര, ആക്സിസ് ബാങ്ക്, ബജാജ് ഓട്ടോ, ഡോ. റെഡ്ഡീസ് ലാബ്, എൻടിപിസി, കൊട്ടക് മഹീന്ദ്ര ബാങ്ക് തുടങ്ങിയ ഓഹരികളാണ് നഷ്ടത്തിൽ.
എച്ച്ഡിഎഫ്സി ബാങ്ക്, എസ്ബിഐ, ഏഷ്യൻ പെയിന്റ്സ്, ടൈറ്റാൻ, ഐസിഐസിഐ ബാങ്ക്, ഹിന്ദുസ്ഥാൻ യുണിലിവർ, എച്ച്സിഎൽ ടെക് തുടങ്ങിയ ഓഹരികൾ നേട്ടത്തിലുമാണ് വ്യാപാരം ആരംഭിച്ചത്.
Read Also: സൂപ്പർ കപ്പ് ഫൈനലിൽ ബാഴ്സക്ക് തോൽവി; മെസിക്ക് ചുവപ്പ് കാർഡ്
