മലപ്പുറം: പെരിന്തല്‍മണ്ണ വെട്ടത്തൂരിൽ കാട്ടുപന്നിയുടെ മാംസം പാചകം ചെയ്‌ത സംഭവത്തിൽ അച്ഛനും മകനും അറസ്‍റ്റില്‍. പെരിന്തല്‍മണ്ണ സ്വദേശി വേലായുധന്‍ മകന്‍ സിജു എന്നിവരെയാണ് കാളികാവ് വനംവകുപ്പ് ഉദ്യോഗസ്‌ഥര്‍ അറസ്‌റ്റ്‌ ചെയ്‌തത്‌. രഹസ്യവിവരത്തിന്റെ അടിസ്‌ഥാനത്തില്‍ വനംവകുപ്പ് നടത്തിയ പരിശോധനയിലാണ് ഇവര്‍ പിടിയിലായത്. അതേസമയം വാഹനമിടിച്ച് റോഡില്‍ കിടന്ന പന്നിയെയാണ് തങ്ങള്‍ പാചകം ചെയ്യാനായി ഉപയോഗിച്ചതെന്ന് പ്രതികള്‍ വനം വകുപ്പ് ഉദ്യോഗസ്‌ഥരെ അറിയിച്ചു. സംഭവത്തിൽ കൂടുതല്‍ അന്വേഷണം നടത്തി വരികയാണെന്ന് ഉദ്യോഗസ്‌ഥർ അറിയിച്ചു.
Read also: കുതിച്ചുയർന്ന് പാചകവാതക വില; ജനരോഷം എരിയുന്നു; പ്രതിഷേധം
