കാസർഗോഡ്: ബൈക്കിൽ കഞ്ചാവ് കടത്താൻ ശ്രമിച്ച രണ്ടംഗ സംഘത്തിലെ ഒരാൾ പിടിയിൽ. ഇന്നലെ വൈകിട്ട് തൃക്കരിപ്പൂർ ടൗണിൽ വച്ചാണ് എക്‌സൈസ് സംഘം ഇയാളെ പിടികൂടിയത്. ടൗണിനടുത്തു താമസിക്കുന്ന ഷഫീഖ് (40) ആണ് പിടിയിൽ ആയത്. ഇയാൾക്ക് ഒപ്പം ഉണ്ടായിരുന്നയാൾ പോലീസിനെ വെട്ടിച്ച് രക്ഷപ്പെട്ടു. എക്‌സൈസ് സംഘം റോഡിൽ വച്ച് വളഞ്ഞതോടെ ബൈക്കിനു പിന്നിലിരുന്ന യുവാവ് ഓടി രക്ഷപ്പെടുകയായിരുന്നു.
രഹസ്യ വിവരം ലഭിച്ചതിനെ തുടർന്ന് നീലേശ്വരം റേഞ്ച് എക്‌സൈസ് ഇൻസ്‌പെക്‌ടർ എൻ വൈശാഖിന്റെ നേതൃത്വത്തിൽ നടത്തിയ പരിശോധനയിലാണ് ഇയാൾ പിടിയിൽ ആയത്. കഞ്ചാവ് അടങ്ങിയ ബാഗ് യുവാവിൽ നിന്നു പിടിച്ചെടുത്തു. അര കിലോയിൽ അധികം തൂക്കം വരുന്ന കഞ്ചാവാണ് പിടികൂടിയത്.
തൃക്കരിപ്പൂർ ബസ് സ്‌റ്റാൻഡ്, റെയിൽവേ സ്‌റ്റേഷൻ എന്നിവയുടെ പരിസരം കേന്ദ്രീകരിച്ച് വൻ തോതിൽ കഞ്ചാവ് ഉൾപ്പടെയുള്ള മയക്കു മരുന്ന് വിൽക്കുന്ന സംഘം ക്യാംപ് ചെയ്യുന്നതായും വിദ്യാർഥികളെ അടക്കം കഞ്ചാവ് വിൽപനയിൽ കണ്ണികളാക്കുന്നതായും ഉള്ള പരാതി ശക്‌തമാകുന്നതിനിടെ ആണ് കഞ്ചാവ് വേട്ട നടന്നത്.
Malabar News: സികെ ജാനുവിന്റെ മുന്നണി പ്രവേശം; വയനാട്ടിലെ എന്‍ഡിഎയില്‍ ഭിന്നത
