സുൽത്താൻ ബത്തേരി: ദേശീയപാത 766ൽ കൊളഗപ്പാറ എക്സ് സർവീസ്മെന്റ് കോളനിക്ക് സമീപം ആൾട്ടോ കാറും ഒമ്നിയും കൂട്ടിയിടിച്ച് ഒൻപത് പേർക്ക് പരിക്കേറ്റു.
കാറിൽ സഞ്ചരിച്ചിരുന്ന അമ്പലവയൽ കളത്തുവയൽ എടാശ്ശേരി തോട്ടത്തിൽ ബിനു അഗസ്റ്റിൻ (42), ഭാര്യ ഷെറിൻ (35), മക്കളായ എഫ്രിൻ (3), എൽഡ്രിൻ (6), എയ്ഞ്ചൽ (9) എന്നിവർക്കും ഒമ്നി വാനിൽ സഞ്ചരിച്ചിരുന്ന ബത്തേരി കുപ്പാടി സ്വദേശി നാട്ടുകല്ലുങ്കൽ ഉസ്മാൻ (59), സഹയാത്രികരായ ഉമ്മർ (59), മാർട്ടിൻ (48), രാജു (42) എന്നിവരെ ബത്തേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു.
സാരമായി പരിക്കേറ്റ എയ്ബലിനെ മേപ്പാടി സ്വകാര്യ മെഡിക്കൽ കോളേജ് ആശുപത്രിയിലേക്ക് മാറ്റി. വ്യാഴാഴ്ച വൈകിട്ട് 6.45ഓടെയായിരുന്നു അപകടം. സുൽത്താൻ ബത്തേരി ഭാഗത്തേക്ക് വരികയായിരുന്ന ഒമ്നിയും കൊളഗപ്പാറ ഭാഗത്തേക്ക് പോവുകയായിരുന്ന കാറുമാണ് കൂട്ടിയിടിച്ചത്. സുൽത്താൻ ബത്തേരിയിൽ നിന്നെത്തിയ ഫയർ ഫോഴ്സാണ് രക്ഷാപ്രവർത്തനം നടത്തിയത്.
Also Read: മൻസൂർ വധം; രാഷ്ട്രീയ വിരോധം മൂലമെന്ന് റിമാൻഡ് റിപ്പോർട്