ന്യൂഡെൽഹി: ഡെൽഹിയിൽ 16കാരിയെ യുവാവ് കോടാലികൊണ്ട് വെട്ടിപ്പരിക്കേല്‍പ്പിച്ചു. ഡെൽഹിയിലെ മോട്ടിഭാഗ് പ്രദേശത്താണ് സംഭവം. പെൺകുട്ടിയുടെ നെറ്റിയിലാണ് വെട്ടേറ്റത്. ഗുരുതരമായി പരിക്കേറ്റ പെണ്‍കുട്ടിയെ ആശുപത്രിയില്‍ പ്രവേശിപ്പിച്ചു.
വാര്‍ത്താ ഏജന്‍സിയായ എഎന്‍ഐയാണ് സംഭവം റിപ്പോർട് ചെയ്‌തത്‌. പ്രദേശവാസിയായ പ്രവീണ്‍ എന്ന യുവാവാണ് പ്രതിയെന്ന് പോലീസ് പറഞ്ഞു. ആക്രമണത്തിനുള്ള പ്രേരണ എന്താണെന്ന് വ്യക്‌തമായിട്ടില്ലെന്നും അന്വേഷണം പുരോഗമിക്കുകയാണെന്നും പോലീസ് വ്യക്‌തമാക്കി.
Most Read: എസ്എസ്എൽസി പരീക്ഷാഫലം ജൂലൈ 14ന്
