തൃശൂർ: തൃശൂർ കുട്ടനല്ലൂരിൽ പ്രവർത്തിക്കുന്ന കാർ ഷോറൂമിൽ വൻ തീപിടിത്തം. രാവിലെ ആറു മണിക്കാണ് ഹൈസൺ മോട്ടോർ ഷോറൂമിൽ തീപിടിത്തം ഉണ്ടായത്. ഈ സമയത്ത് ഷോറൂമിൽ ഒരു സെക്യൂരിറ്റി മാത്രമാണ് ഉണ്ടായിരുന്നത്. അഗ്നിരക്ഷാ സേനയുടെ ആറോളം യൂണിറ്റ് എത്തി തീ അണയ്ക്കാനുള്ള ശ്രമങ്ങൾ തുടരുകയാണ്. തീ ഭാഗികമായി നിയന്ത്രണ വിധേയമായി. എന്നാൽ, കനത്ത പുക ഉയരുന്നുണ്ട്.
ചില വാഹനങ്ങൾ പൂർണമായി കത്തിനശിച്ചു. സർവീസ് സെന്ററിന്റെ ഭാഗത്തു നിന്നാണ് തീ പടർന്നതെന്നാണ് വിവരം. സുരക്ഷാ ഉദ്യോഗസ്ഥരാണ് ആദ്യം തീ പടർന്നത് കണ്ടത്. ഇവർ ഉടൻ തന്നെ വിവരം അറിയിച്ചതിനാൽ മറ്റു വാഹനങ്ങൾ ഉടൻ തന്നെ ഇവിടുന്നു മാറ്റാനായി. അതേസമയം, സർവീസ് സെന്റർ കത്തിനശിച്ചു. എത്ര വാഹനങ്ങൾ കത്തിനശിച്ചുവെന്നതിൽ വ്യക്തത വന്നിട്ടില്ല.
Most Read: സിപിഐഎം ജനകീയ പ്രതിരോധ ജാഥ; ഇപി ജയരാജൻ ഇന്ന് പങ്കെടുക്കും