ചാവക്കാട്: പഞ്ചറായ ടയർ മാറ്റുന്നതിനിടെ ബൈക്കിടിച്ച് മൽസ്യലോറി ഡ്രൈവർ മരിച്ചു. ബ്ളാങ്ങാട് ബീച്ച് സിദ്ദീഖ് പള്ളിക്ക് സമീപം കോളനിയിൽ പരേതനായ മുഹമ്മദിന്റെ മകൻ അമ്പലത്തുവീട്ടിൽ നിഷാദാണ് (38) മരിച്ചത്.
ശനിയാഴ്‌ച പുലർച്ചെ രണ്ടരയോടെയാണ് സംഭവം. കർണാടക ഉഡുപ്പിയിൽ വെച്ച് നിഷാദ് ഓടിച്ചുകൊണ്ടിരുന്ന ലോറിയുടെ ടയർ പഞ്ചറാകുകയായിരുന്നു. റോഡരികിൽ നിർത്തിയിട്ട് ടയർ മാറ്റുന്നതിടെ അമിത വേഗതയിൽ വന്ന ബൈക്ക് നിഷാദിനെ ഇടിക്കുകയായിരുന്നു. ഉടൻ തന്നെ അടുത്തുള്ള സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാൻ സാധിച്ചില്ല.
നേരത്തെ ചാവക്കാട്-പൊന്നാനി റൂട്ടിൽ സർവീസ് നടത്തുന്ന ബാബുരാജ് ബസിലെ ഡ്രൈവറായിരുന്നു നിഷാദ്. ബിഎംഎസ് തൊഴിലാളി യൂണിയൻ പ്രവർത്തകനാണ്. ഒരാഴ്‌ച മുൻപാണ് നിഷാദ് വീട്ടിൽ നിന്നും പോയത്. പരേതയായ ഐഷാബിയാണ് മാതാവ്. ഭാര്യ: ഷമീറ. മക്കൾ: നഹന ഫാത്തിമ, നിഹാൽ.
ഖബറടക്കം ഞായറാഴ്‌ച രാവിലെ 7ന് ഇരട്ടപ്പുഴ മുഹ്‌യുദ്ദീൻപള്ളി ഖബർസ്‌ഥാനിൽ.
Read also: വനിതാ ഗായകരെ ലക്ഷ്യമിട്ട് തട്ടിപ്പ്; ചതിയില്‍ വീഴരുതെന്ന് ഷാന്‍ റഹ്‍മാന്‍
