കടപ്പ: ആന്ധ്രാപ്രദേശിൽ ചുണ്ണാമ്പ് കല്ല് ക്വാറിയിലുണ്ടായ സ്‌ഫോടനത്തിൽ നാല് പേർ മരിച്ചു. കടപ്പ ജില്ലയിലെ ഒരു ക്വാറിയിൽ നടന്ന സ്‌ഫോടനത്തിലാണ് നാല് തൊഴിലാളികൾ മരിച്ചതെന്ന് പോലീസ് അറിയിച്ചു. മൃതദേഹങ്ങൾ ഛിന്നഭിന്നമായതിനാൽ മരിച്ചവരുടെ കൃത്യമായ എണ്ണം പറയാൻ കഴിയില്ലെന്നും മരണസംഖ്യ കൂടുമെന്നും പോലീസ് വ്യക്‌തമാക്കിയിട്ടുണ്ട്.
കടപ്പയിലെ പ്രാന്തപ്രദേശമായ മാമില്ലപ്പള്ളി ഗ്രാമത്തിലെ ഒരു ക്വാറിയിൽ ജലാറ്റിൻ സ്‌റ്റിക്കുകൾ ഇറക്കുന്നതിനിടെയാണ് അപകടം നടന്നതെന്ന് കടപ്പ എസ്‌പി കെ അൻബുരാജൻ പറഞ്ഞു. സ്‌ഫോടനത്തിന്റെ ആഘാതത്തിൽ വാഹനം പൂർണമായും തകർന്നിട്ടുണ്ട്. ബുദ്വേലിൽ നിന്ന് കൊണ്ടുവന്ന ജലാറ്റിൻ സ്‍റ്റിക്കുകളാണ് പൊട്ടിത്തെറിച്ചത്.
‘ക്വാറിക്ക് ലൈസൻസുണ്ടായിരുന്നു. അംഗീകൃതമായിട്ട് തന്നെയാണ് ജലാറ്റിൻ സ്‌റ്റിക്കുകൾ കൊണ്ടുവന്നത്. വാഹനത്തിൽ നിന്ന് ഇറക്കുന്നതിനിടെയാണ് അപകടം നടന്നത്. അപകടത്തിന്റെ കാരണം ഇതുവരെ വ്യക്‌തമായിട്ടില്ല’ കടപ്പ എസ്‌പി പറഞ്ഞു. സംഭവത്തിൽ ആന്ധ്രാ മുഖ്യമന്ത്രി വൈഎസ് ജഗൻമോഹൻ റെഡ്ഡി അന്വേഷണത്തിന് ഉത്തരവിട്ടു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
