തളിപ്പറമ്പ്: കുറുമാത്തൂർ ഡെയറിയിൽ ഇരുചക്ര വാഹനങ്ങൾ കൂട്ടിയിടിച്ച് യുവാവ് മരിച്ചു. കുറുമാത്തൂർ രാജീവ് ഗാന്ധി കോളനിയിലെ രാജേഷാണ് മരിച്ചത്. ശനിയാഴ്‌ച വൈകുന്നേരം 3.15 ഓടെ തളിപ്പറമ്പ് ശ്രീകണ്‌ഠപുരം സംസ്‌ഥാന പാതയിൽ ഡെയറി ഭാഗത്താണ് അപകടം നടന്നത്.
രാജേഷ് സഞ്ചരിച്ച പൾസർ ബൈക്കും മൽസ്യവിൽപ്പന നടത്തുകയായിരുന്ന വെള്ളാരംപാറയിലെ ഷംസുദ്ദീന്റെ സ്‌കൂട്ടറും തമ്മിൽ കൂട്ടി ഇടിക്കുകയായിരുന്നു. ഇടിയുടെ ആഘാതത്തിൽ റോഡിലേക്ക് തെറിച്ചുവീണ രാജേഷ് സംഭവസ്‌ഥലത്ത് വെച്ച് തന്നെ മരിച്ചു. ഹെൽമറ്റ് ധരിക്കാത്തത് കാരണം രാജേഷിന്റെ തലക്ക് സാരമായ പൊട്ടൽ ഉണ്ടായിരുന്നതായി പോലീസ് അറിയിച്ചു.
അപകടത്തിൽ പരിക്കേറ്റ ഷംസുദ്ദീനെ തളിപ്പറമ്പ് സഹകരണ ആശുപത്രിയിൽ പ്രവേശിപ്പിച്ചു. രാജേഷിന്റെ മൃതദേഹം പരിയാരം കണ്ണൂർ മെഡിക്കൽ കോളേജിലേക്ക് മാറ്റി. കുറുമാത്തൂർ ഡെയറിയിൽ രമേശൻ-സീത ദമ്പതികളുടെ മകനാണ്.
Read also: കനത്ത മഴ തുടരുന്നു; തിരുവള്ളൂരിൽ പ്രളയ മുന്നറിയിപ്പ്
