പയ്യന്നൂർ: കിണർ കുഴിക്കുന്നതിനിടെ ഉണ്ടായ അപകടത്തിൽ മൂന്നു തൊഴിലാളികൾക്ക് പരിക്കേറ്റു. കരിവെള്ളൂർ-പെരളം പഞ്ചായത്തിലെ കോട്ട കുന്നിൽ ഇന്ന് രാവിലെയാണ് അപകടം നടന്നത്. പെരളത്തെ രാജേഷിന്റെ പറമ്പിൽ കിണർ കുഴിക്കുന്നതിനിടെ മണ്ണിടിഞ്ഞു വീഴുകയായിരുന്നു.
കൊഴുമ്മൽ പെരളം സ്വദേശികളായ ദാമോദരൻ (71), ഗംഗാധരൻ(55), കൃഷ്ണൻ (64) എന്നിവർക്കാണ് പരിക്കേറ്റത്. അപകട വിവരമറിഞ്ഞ് പയ്യന്നൂർ അഗ്നിസേന സ്ഥലത്ത് എത്തിയപ്പോഴേക്കും നാട്ടുകാർ ചേർന്ന് പരിക്കേറ്റവരെ ആശുപത്രിയിൽ എത്തിച്ചിരുന്നു.
പരിക്കേറ്റ മൂന്നുപേരും പയ്യന്നൂർ സഹകരണ ആശുപത്രിയിൽ ചികിൽസയിലാണ്.
Malabar News: വടകരയിൽ നാല് പേർക്ക് ഡെങ്കിപ്പനി; ജാഗ്രതയിൽ ആരോഗ്യ വിഭാഗം