തിരുവനന്തപുരം: നടിയും നർത്തകിയുമായ ശോഭനക്ക് കോവിഡിന്റെ പുതിയ വകഭേദമായ ഒമൈക്രോൺ സ്‌ഥിരീകരിച്ചു. താരം തന്നെയാണ് ഇക്കാര്യം ഫേസ്ബുക്കിലൂടെ വ്യക്‌തമാക്കിയത്‌. താൻ രണ്ട് ഡോസ് വാക്‌സിനെടുത്തെന്നും, അതിൽ ഇപ്പോൾ സന്തോഷിക്കുന്നുവെന്നും ശോഭന വ്യക്‌തമാക്കുന്നു. രണ്ട് ഡോസ് വാക്‌സിനെടുത്തതിനാലാണ് രോഗം ഗുരുതരമാകാത്തതെന്നും, അതിനാൽ എല്ലാവരും വാക്‌സിൻ സ്വീകരിക്കണമെന്നും ഫേസ്ബുക്ക് കുറിപ്പിൽ ശോഭന വ്യക്‌തമാക്കി.
വളരെയധികം ശ്രദ്ധിച്ചിട്ടും ഒമൈക്രോൺ ബാധിച്ചുവെന്നും സന്ധിവേദനയും തൊണ്ടവേദനയും വിറയലുമായിരുന്നു ലക്ഷണമെന്നും ശോഭന ഫേസ്ബുക്കിൽ കുറിച്ചു. ആദ്യദിവസം മാത്രമാണ് ലക്ഷണമെന്നും പിന്നീട് കുറഞ്ഞുവെന്നും നടി വ്യക്‌തമാക്കി. കൂടാതെ ഒമൈക്രോൺ വകഭേദം കോവിഡ് മഹാമാരിയുടെ അവസാനത്തെ രൂപമാകുമെന്ന് പ്രതീക്ഷിക്കുകയും പ്രാര്‍ഥിക്കുകയും ചെയ്യുന്നുവെന്നും ശോഭന പറഞ്ഞു.
Read also: പഞ്ചാബിലെ സുരക്ഷാ വീഴ്‌ച; പ്രിയങ്കാ ഗാന്ധിക്ക് എന്തുകാര്യമെന്ന് ബിജെപി
