റാഫി വേലുപ്പാടം സംവിധാനം ചെയ്യുന്ന ‘എഗൈൻ ജിപിഎസ്‘ എന്ന ചിത്രത്തിലെ രണ്ടാമത്തെ ഗാനം റിലീസ് ചെയ്‌തു. വരികൾക്ക് അനുയോജ്യമായ മനോഹര ദൃശ്യങ്ങളും ഹൃദ്യമായ സംഗീതവും സന്നിധാനന്ദന്റെ ശബ്‌ദവും ചേർന്ന് വേറിട്ട് നിൽക്കുന്ന ഗാനമാണ് റിലീസ് ആയിരിക്കുന്നത്. രാഗേഷ് സ്വാമിനാഥനാണ് സംഗീതം പകർന്നിരിക്കുന്നത്.
പുത്തൻ പടം സിനിമാസിന്റെ ബാനറിൽ, റാഫി വേലുപ്പാടം നായകനാവുന്ന ‘എഗൈൻ ജിപിഎസ്’ സുഹൃത്ത്‌ ബന്ധങ്ങളുടെ കഥ പറയുന്ന ത്രില്ലർ ചിത്രമാണ്. ചിത്രത്തിന്റെ കഥ, തിരക്കഥ, സംവിധാനം എന്നിവയും റാഫി വേലുപ്പാടം തന്നെയാണ് നിർവഹിക്കുന്നത്.
ചിത്രത്തിൽ അജീഷ്‌ കോട്ടയം, ശിവദാസൻ മാരമ്പിള്ളി, മനീഷ്‌, സഞ്‍ജു ശിവ, ലിജോ അഗസ്‌റ്റിൻ, മനോജ്‌ വലംചുസി, കോട്ടയം പുരുഷൻ, അമ്പിളി തുടങ്ങിയ അഭിനേതാക്കളും എത്തുന്നുണ്ട്. ടി ഷമീർ മുഹമ്മദ്‌ ഛായാഗ്രഹണം നിർവഹിക്കുന്ന ചിത്രത്തിന്റെ ചിത്രസംയോജനം മിൽജോ ജോണിയാണ്. ഗാനം ഇവിടെ കേൾക്കാം:
Most Read: കൈകൾ കൊണ്ട് ഗിന്നസിലേക്ക് ഓടിക്കയറി സയോൺ ക്ളാർക്ക്
