അബുദാബി: ലോകത്തിലെ ഏറ്റവും ഉയരം കൂടിയ നിരീക്ഷണ ചക്രമായ ഐൻ ദുബായ് ഇന്ന് മുതൽ താൽക്കാലികമായി അടച്ചു. റമദാൻ കഴിയുന്നത് വരെ ഇവിടെ ആളുകൾക്ക് പ്രവേശനമുണ്ടാകില്ല. ഔദ്യോഗിക പേജിലൂടെയാണ് ഇക്കാര്യം അറിയിച്ചിരിക്കുന്നത്.
പെരുന്നാള് അവധിക്കാല വാരാന്ത്യത്തിൽ തുറക്കുന്ന രീതിയിൽ ഐൻ ദുബായിൽ വികസന പ്രവർത്തനങ്ങൾ നടത്തുന്നതിന് വേണ്ടിയാണ് ഇപ്പോൾ താൽക്കാലികമായി അടച്ചിരിക്കുന്നത്. ദുബായ് ബ്ളൂ വാട്ടര് ഐലന്റില് സ്ഥിതി ചെയ്യുന്ന ഐന് ദുബായ് കഴിഞ്ഞ ഒക്ടോബർ 21നാണ് പ്രവര്ത്തനം തുടങ്ങിയത്.
ലോകത്തിന്റെ വിവിധ ഭാഗങ്ങളിൽ നിന്നും ലക്ഷക്കണക്കിന് ആളുകളാണ് ലോകത്തിലെ ഏറ്റവും ഉയരം കൂടിയ നിരീക്ഷണ ചക്രം കാണാൻ യുഎഇയിൽ എത്തുന്നത്. 40 പേര്ക്ക് വരെ കയറാനാവുന്ന 48 ആഡംബര ക്യാബിനുകളാണ് ഇതിലുള്ളത്. ഒരു തവണ പൂര്ണമായി കറങ്ങിയെത്താന് 38 മിനിട്ടാണ് വേണ്ടിവരുന്നത്.
Read also: ‘നമ്പർ 18 ഹോട്ടൽ’ പോക്സോ കേസ്; പ്രതികളെ റിമാൻഡ് ചെയ്തു