അലഹബാദ് : സ്കൂളുകളില് ഭഗവദ്ഗീത പാഠ്യവിഷയമാക്കണം എന്നാവശ്യപ്പെട്ട് സമര്പ്പിച്ച ഹരജി തള്ളി അലഹബാദ് ഹൈക്കോടതി. ഹരജി അവ്യക്തവും തെറ്റിദ്ധാരണ പരത്തുന്നതുമാണ് എന്ന് കണ്ടെത്തിയാണ് കോടതി തള്ളിയത്. ജസ്റ്റിസ് പങ്കജ് മിത്തലും, ജസ്റ്റിസ് സൗരഭ് ലാവണ്യവും ബെഞ്ചാണ് ഹരജി പരിഗണിച്ചത്.
സ്കൂളുകളില് ഭഗവദ്ഗീത പാഠ്യവിഷയമാക്കണം എന്ന ആവശ്യവുമായി ബ്രഹ്മ ശങ്കര് ശാസ്ത്രിയാണ് അലഹബാദ് ഹൈക്കോടതിയില് പൊതുതാല്പ്പര്യ ഹരജി സമര്പ്പിച്ചത്. സമൂഹത്തിന്റെ താല്പര്യ പ്രകാരം എല്ലാ ക്ളാസുകളിലും ഭഗവദ്ഗീത പാഠ്യവിഷയമാക്കണം എന്നാണ് അദ്ദേഹം ഹരജിയില് ആവശ്യപ്പെട്ടിരുന്നത്. എന്നാല് ഹരജി തള്ളിയ ഹൈക്കോടതി ഇത്തരം ആവശ്യങ്ങള്ക്കായി ബന്ധപ്പെട്ട അധികൃതരെ സമീപിക്കാനും നിര്ദേശിച്ചു.
Read also : അന്നദാതാക്കൾക്ക് സമയം നൽകൂ; ഡെൽഹി ചലോ മാർച്ചിന് പിന്തുണയുമായി ഹർഭജൻ സിങ്