കോവിഡ്; യുഎഇയിൽ ആൽഫ, ബീറ്റ, ഡെൽറ്റ വകഭേദങ്ങൾ സ്‌ഥിരീകരിച്ചു

By Trainee Reporter, Malabar News
covid UAE
Representational image
Ajwa Travels

അബുദാബി: യുഎഇയിൽ കൊറോണ വൈറസിന്റെ ആൽഫ, ബീറ്റ, ഡെൽറ്റ വകഭേദങ്ങൾ സ്‌ഥിരീകരിച്ചു. ബീറ്റ വകഭേദമാണ് കൂടുതൽ രോഗികളിൽ സ്‌ഥിരീകരിച്ചതെന്ന് ദേശീയ അടിയന്തിര ദുരന്ത നിവാരണ അതോറിറ്റി വ്യക്‌തമാക്കി. കോവിഡിനെതിരായ പ്രതിരോധ കുത്തിവെപ്പ് സ്വീകരിക്കാത്തവർ രാജ്യത്തിന് പുറത്തേക്കുള്ള യാത്ര ഒഴിവാക്കണമെന്നും നിർദ്ദേശമുണ്ട്.

വാക്‌സിൻ സ്വീകരിക്കുന്നതിന്റെ ആവശ്യകത വ്യക്‌തമാക്കി ദേശീയ അടിയന്തിര ദുരന്ത നിവാരണ അതോറിറ്റി നടത്തിയ വാർത്താ സമ്മേളനത്തിലാണ് ഇക്കാര്യം അറിയിച്ചത്. പുതിയ കോവിഡ് രോഗികളിൽ 39.2 ശതമാനം പേരിൽ ബീറ്റ വകഭേദം സ്‌ഥിരീകരിച്ചു. 33.9 ശതമാനം പേരിൽ ഡെൽറ്റയും 11.3 ശതമാനം പേരിൽ ആൽഫയുമാണ് സ്‌ഥിരീകരിച്ചതെന്ന് യുഎഇ ആരോഗ്യവിഭാഗം വക്‌താവ്‌ ഡോ. ഫരീദ അൽ ഹൊസൈനി പറഞ്ഞു.

പുതിയ കോവിഡ് രോഗികളിൽ 84 ശതമാനവും, ആശുപത്രിയിൽ പ്രവേശിപ്പിക്കുന്ന കോവിഡ് രോഗികളിൽ 92 ശതമാനവും വാക്‌സിൻ സ്വീകരിക്കാത്തവരാണെന്ന് അതോറിറ്റി വ്യക്‌തമാക്കി. കോവിഡ് ബാധിച്ച് മരിച്ചവരിൽ 94 ശതമാനവും വാക്‌സിൻ സ്വീകരിക്കാത്തവരാണ്. കഴിഞ്ഞ ആഴ്‌ചയിൽ കോവിഡ് മരണനിരക്കിൽ വർധനയും രേഖപ്പെടുത്തി, ഡോ ഫരീദ വ്യക്‌തമാക്കി.

അതേസമയം, രാജ്യത്തെ ആകെ ജനസംഖ്യയുടെ 71 ശതമാനത്തിലധികം പേർ വാക്‌സിൻ സ്വീകരിച്ചു. അടിയന്തിര പരിഗണന അർഹിക്കുന്നവരിൽ 91 ശതമാനവും വാക്‌സിൻ സ്വീകരിച്ചതായും ഡോ ഫരീദ വാർത്താ സമ്മേളനത്തിൽ അറിയിച്ചു.

Read also: കുറഞ്ഞ താപനില ആവശ്യമുള്ള വാക്‌സിനുകൾ സംഭരിക്കാൻ രാജ്യത്തിന് കഴിയും; കേന്ദ്രം

LEAVE A REPLY

Please enter your comment!
Please enter your name here

പ്രതികരണം രേഖപ്പെടുത്തുക

അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.

YOU MAY LIKE