ന്യൂഡെൽഹി: കോവിഡിനെതിരെ തദ്ദേശീയമായി വികസിപ്പിച്ച കോവാക്സിൻ ബ്രസീലിയൻ വകഭേദത്തിനും ഫലപ്രദമെന്ന് ഐസിഎംആർ. യുകെ വകഭേദത്തിനും ഇരട്ട ജനിതക വ്യതിയാനം സംഭവിച്ച മഹാരാഷ്ട്രയിലെ വൈറസിനുമെതിരെ പൊരുതാൻ കൊവാക്സിന് സാധിക്കുമെന്ന് നേരത്തെ കണ്ടെത്തിയിരുന്നു. ഭാരത് ബയോടെക്കും ഐസിഎംആറും ചേർന്നാണ് കൊവാക്സിൻ വികസിപ്പിച്ചത്.
ഐസിഎംആറും നാഷണൽ ഇൻസ്റ്റിറ്റ്യൂട്ട് ഓഫ് വൈറോളജിയും (എൻഐവി) ഒരുമിച്ചാണ് ബ്രസീലിയൻ വകഭേദത്തിനെതിരെ കൊവാക്സിന്റെ പ്രവർത്തനത്തെക്കുറിച്ച് പഠിച്ചത്. രണ്ട് ഡോസ് സ്വീകരിച്ചവരിൽ വൈറസിനെ ഇല്ലാതാക്കാൻ വാക്സിന് സാധിക്കുന്നുണ്ടെന്ന് പഠനത്തിൽനിന്നും വ്യക്തമായി. ഇന്ത്യയിൽ ബ്രസീലിയൻ വകഭേദം കുറവാണ്. ഇരട്ടവ്യതിയാനം വന്ന വൈറസും, യുകെ വകഭേദവുമാണ് ഇന്ത്യയിൽ വ്യാപകമായുള്ളത്.
Read Also: അഞ്ഞൂറ് കോടിയുടെ കോവിഡ് മരുന്ന് ഇന്ത്യക്ക് നൽകുമെന്ന് ഫൈസർ