ആമസോൺ ഇന്ത്യയിൽ മിനി ടിവി അവതരിപ്പിച്ചു. ആമസോൺ പ്രൈമിൽ നിന്ന് വ്യത്യസ്‌തമായി സൗജന്യമായി ആർക്കും വീഡിയോ ആസ്വദിക്കാനുള്ള സൗകര്യമാണ് മിനി ടിവിയിൽ ഒരുക്കിയിട്ടുളളത്.
ആഗോളതലത്തിൽ സാന്നിധ്യമുള്ള ആമസോൺ ഇന്ത്യയിലാണ് ആദ്യമായി സൗജന്യ സ്ട്രീമിങ് ആരംഭിച്ചത്. ആമസോൺ ഡോട്ട് ഇൻ എന്ന ഷോപ്പിങ് ആപ്പ്ളിക്കേഷനിലൂടെയാണ് വെബ്‌സീരിസ്‌ ഉൾപ്പടെയുള്ള വീഡിയോകൾ കാണാൻ സാധിക്കുക. മിനി ടിവി സൗജന്യമായാണ് ലഭിക്കുകയെങ്കിലും യൂട്യൂബിലേത് പോലെ പരസ്യങ്ങൾ ഉണ്ടാകും.
പ്രമുഖർ അണിനിരക്കുന്ന വെബ് സീരീസ്, കോമഡി ഷോകൾ, ടെക് ന്യൂസ്, ഫുഡ്, ബ്യൂട്ടി, ഫാഷൻ തുടങ്ങി വിവിധ വിഷയങ്ങളിലുള്ള പരിപാടികൾ മിനി ടിവിയിലുണ്ടാകും. പുതിയ സിനിമകളും ടിവി ഷോകളും മിനി ടിവിയിലൂടെ ലഭിക്കും. ഇംഗ്ളീഷിലും ഒൻപത് ഇന്ത്യൻ ഭാഷകളിലും ഷോകൾ ഉണ്ടാകും. നിലവിൽ ആൻഡ്രോയ്‌ഡ് ഫോണുകളിൽ മാത്രമാണ് മിനി ടിവി ലഭ്യമാകുക.
Read also: ഓഹരിവിപണി നേട്ടത്തിൽ; തകർച്ച നേരിട്ട് ക്രിപ്റ്റോ കറൻസി
