ആലപ്പുഴ: എസ്ഡിപിഐ സംസ്ഥാന സെക്രട്ടറി കെഎസ് ഷാൻ കൊലപാതക കേസിൽ ഒരു പ്രതികൂടി കസ്റ്റഡിയിൽ. ചേർത്തല സ്വദേശി അഖിലാണ് പോലീസ് പിടിയിലായത്. ഇയാളാണ് പ്രതികളെ ആംബുലൻസിൽ എത്തി രക്ഷപ്പെടുത്തിയത് എന്നാണ് പോലീസ് റിപ്പോർട്. ഷാനെ കൊലപ്പെടുത്തിയ ശേഷം സഞ്ചരിച്ച കാർ ഉപേക്ഷിച്ചാണ് പ്രതികൾ ആംബുലൻസിൽ രക്ഷപ്പെട്ടത്.
അതേസമയം, ബിജെപി നേതാവ് രഞ്ജിത് വധക്കേസിൽ പിടികൂടിയ പ്രതികളെ റിമാൻഡ് ചെയ്തു. മണ്ണഞ്ചേരി സ്വദേശികളായ ആസിഫ്, നിഷാദ്, അലി, സുധീർ, അർഷാദ് എന്നിവരെ ഗൂഢാലോചന, തെളിവ് നശിപ്പിക്കൽ തുടങ്ങിയ കുറ്റങ്ങൾ ചുമത്തിയാണ് റിമാൻഡ് ചെയ്തത്. പ്രതികൾ ഉപയോഗിച്ചെന്ന് സംശയിക്കുന്ന നാല് ബൈക്കുകൾ കഴിഞ്ഞ ദിവസം പോലിസ് കസ്റ്റഡിയിൽ എടുത്തിരുന്നു.
Read also: പിടി തോമസിനെതിരെ ഫേസ്ബുക്ക് പോസ്റ്റുകള്; നടപടി ആവശ്യപ്പെട്ട് യൂത്ത് കോണ്ഗ്രസ്