കോഴിക്കോട്: താമരശ്ശേരിയിൽ വളർത്തുനായകളുടെ ആക്രമണത്തിൽ നിന്ന് യുവതിയെ രക്ഷിച്ചവർക്ക് എതിരെ കേസെടുത്ത പോലീസ് നടപടിയിൽ രൂക്ഷ വിമർശനവുമായി മുസ്‌ലിം ലീഗ് നേതാവും എംഎൽഎയുമായ എംകെ മുനീർ. ഇത്തരമൊരു സംഭവം കണ്‍മുന്നില്‍ നടക്കുമ്പോള്‍ അത് ശ്രദ്ധിക്കാതെ ആ സ്‌ത്രീയെ മരണത്തിനു വിട്ടു കൊടുക്കണം എന്നാണോ പോലീസ് പറയുന്നതെന്ന് മുനീര്‍ ചോദിച്ചു.
വിഷയത്തില്‍ ഇടപെട്ട എംകെ മുനീര്‍ പോലീസ് ഉദ്യോഗസ്‌ഥരുമായി ബന്ധപ്പെടുകയും നാട്ടുകാര്‍ക്കെതിരെ എടുത്ത കേസ് പിന്‍വലിക്കാന്‍ ആവശ്യപ്പെടുകയും ചെയ്‌തു. നായകളുടെ ഉടമസ്‌ഥനെതിരെ ശക്‌തമായ നടപടി എടുക്കാനും മുനീര്‍ ആവശ്യപ്പെട്ടു. എത്രയും പെട്ടെന്ന് നടപടി സ്വീകരിക്കാമെന്ന് ഡിവൈഎസ്‌പി ഉറപ്പ് നല്‍കിയതായി മുനീര്‍ പറഞ്ഞു.
അമ്പായത്തോട് മിച്ചഭൂമിയിലെ താമസക്കാരിയായ ഫൗസിയക്കാണ് നായകളുടെ കടിയേറ്റത്. ഇന്നലെ രാവിലെ ജോലിക്ക് പോകുന്നതിനിടെയാണ് സംഭവം. രാവിലെ എസ്‌റ്റേറ്റ് വഴി ജോലിക്ക് പോകുകയായിരുന്ന ഫൗസിയയെ മൂന്ന് വളർത്ത് നായകൾ ചേർന്ന് ആക്രമിക്കുകയായിരുന്നു. ആക്രമണത്തിൽ ഫൗസിയയുടെ മുഖത്തും ശരീരത്തിലും ഗുരുതരമായി പരിക്കേറ്റിട്ടുണ്ട്. തുടർന്ന് നാട്ടുകാർ എത്തിയാണ് യുവതിയെ രക്ഷിച്ചത്. ഇവരെ പിന്നീട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ഇതിനിടെ നായകൾ പ്രദേശവാസികളെയും ആക്രമിക്കാൻ ശ്രമിച്ചിരുന്നു.
അഭിപ്രായങ്ങളുടെ ആധികാരികത ഉറപ്പിക്കുന്നതിന് വേണ്ടി കൃത്യമായ ഇ-മെയിൽ വിലാസവും ഫോട്ടോയും ഉൾപ്പെടുത്താൻ ശ്രമിക്കുക. രേഖപ്പെടുത്തപ്പെടുന്ന അഭിപ്രായങ്ങളിൽ 'ഏറ്റവും മികച്ചതെന്ന് ഞങ്ങളുടെ എഡിറ്റോറിയൽ ബോർഡിന്' തോന്നുന്നത് പൊതു ശബ്‌ദം എന്ന കോളത്തിലും സാമൂഹിക മാദ്ധ്യമങ്ങളിലും ഉൾപ്പെടുത്തും. ആവശ്യമെങ്കിൽ എഡിറ്റ് ചെയ്യും. ശ്രദ്ധിക്കുക; മലബാർ ന്യൂസ് നടത്തുന്ന അഭിപ്രായ പ്രകടനങ്ങളല്ല ഇവിടെ പോസ്‌റ്റ് ചെയ്യുന്നത്. ഇവയുടെ പൂർണ ഉത്തരവാദിത്തം രചയിതാവിനായിരിക്കും. അധിക്ഷേപങ്ങളും അശ്‌ളീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്.
