പാറ്റ്ന: ബീഹാർ വിഭൂതിപൂരിലെ സിപിഎം എംഎൽഎ അജയ് കുമാറിന് നേരെ ആക്രമണം. ശനിയാഴ്‌ച രാത്രി 11 മണിയോടെ അജയ് കുമാറിനെ തേടിയെത്തിയ അക്രമിസംഘം സമസ്‌തിപൂരിലെ സിപിഎം ജില്ലാ കമ്മിറ്റി ഓഫിസിൽ അതിക്രമിച്ച് കയറി ജനൽചില്ലുകളും കെട്ടിടത്തിന് പുറത്തുണ്ടായിരുന്ന സ്‌കോർപിയോയും അടിച്ചു തകർത്തു. എംഎൽഎയുടെ അംഗരക്ഷകന്‍ അനിൽ കുമാറിനെയും അക്രമികള്‍ ക്രൂരമായി മര്‍ദ്ദിച്ചു.
മേയ് രണ്ടിനും അജയ് കുമാറിനെതിരെ ആക്രമണം ഉണ്ടായിരുന്നു. അക്രമികൾ എംഎൽഎയുടെ വാഹനം പിന്തുടര്‍ന്ന് ആക്രമിക്കുകയായിരുന്നു. സംഭവത്തിൽ ഇതുവരെയും പ്രതികളെ അറസ്‌റ്റ് ചെയ്‌തിട്ടില്ല. ഇരുകേസുകളിലും പോലീസ് കാണിക്കുന്ന അലംഭാവത്തിൽ പ്രതിഷേധിച്ച് പാർട്ടി പ്രവർത്തകർ റോഡ് ഉപരോധിച്ചു.
Read also: ഭീമാ കൊറഗാവ് കേസ്; ഫാദര്‍ സ്‌റ്റാന്‍ സ്വാമിയെ ആശുപത്രിയിലേക്ക് മാറ്റി
