വയനാട് : കോവിഡ് രണ്ടാം തരംഗം അതിരൂക്ഷമായി തുടരുന്ന സാഹചര്യത്തിൽ ബത്തേരി നഗരസഭ 10 ദിവസത്തേക്ക് അടച്ചിടാൻ ശുപാർശ ചെയ്‌തു. നഗരസഭാ അധ്യക്ഷന്റെ സാന്നിധ്യത്തിൽ ഉദ്യോഗസ്‌ഥരുടെയും, ജനപ്രതിനിധികളുടെയും, രാഷ്‌ട്രീയപാർട്ടി പ്രതിനിധികളുടെയും, വ്യാപാരികളുടെയും യോഗത്തിലാണ് ഇക്കാര്യം കളക്‌ടറോട് ശുപാർശ ചെയ്‌തത്‌.
നാളെ മുതൽ 10 ദിവസം നഗരസഭ പൂർണമായും അടച്ചിടാനാണ് ശുപാർശ ചെയ്‌തിരിക്കുന്നത്‌. ഇന്ന് അവസാന ദിവസ എസ്എസ്എൽസി പരീക്ഷ നടക്കുന്നതിനാലാണ് നാളെ മുതൽ അടച്ചിടാനുള്ള തീരുമാനം എടുത്തത്. അതേസമയം തന്നെ അവശ്യ സാധനങ്ങളായ പലചരക്ക്, പച്ചക്കറി എന്നിവ വിൽക്കുന്ന കടകൾ ഒന്നിടവിട്ട ദിവസങ്ങളിൽ മാറിമാറി 50 ശതമാനം വീതം തുറന്ന് പ്രവർത്തിപ്പിക്കാം.
കൂടാതെ അടിയന്തിര സാഹചര്യങ്ങളിൽ അല്ലാതെ സ്വകാര്യ വാഹനങ്ങൾ പുറത്തിറക്കാൻ പാടില്ലെന്നും നിർദേശം നൽകിയിട്ടുണ്ട്. നിയന്ത്രണങ്ങൾ തീരുമാനിക്കുന്നതിൽ ഇന്ന് കൂടുതൽ വ്യക്‌തത ഉണ്ടാകും. കൂടാതെ കർശന നിയന്ത്രണങ്ങൾ ഏർപ്പെടുത്തുന്ന സാഹചര്യത്തിൽ പൊതു ഗതാഗത സംവിധാനവും അടുത്ത ദിവസങ്ങളിൽ നിലയ്‌ക്കും.
Read also : ആയുഷ് 64; കോവിഡ് ചികിൽസക്ക് ഫലപ്രദമെന്ന് മന്ത്രാലയം
