വാഷിംഗ്ടൺ: അമേരിക്കയിലേക്കുള്ള കുടിയേറ്റ വിലക്ക് നീക്കി ജോ ബൈഡൻ ഭരണകൂടം. യുഎസിൽ സ്ഥിര താമസത്തിനുള്ള ഗ്രീൻ കാർഡുകൾക്ക് വിലക്കേർപ്പെടുത്തി മുൻ പ്രസിഡണ്ട് ഡോണൾഡ് ട്രംപ് ഉത്തരവ് പുറപ്പെടുവിച്ചിരുന്നു. എന്നാൽ ഇത് റദ്ദാക്കിയ ജോ ബൈഡൻ സർക്കാർ ഗ്രീൻ കാർഡ് വിതരണം പുനരാരംഭിക്കാനാണ് തീരുമാനമെന്ന് വ്യക്തമാക്കി.
അമേരിക്കയുടെ വ്യവസായ മേഖലക്ക് ദോഷകരമായതിനാൽ ആണ് ഗ്രീൻ കാർഡ് നിരോധനം ഒഴിവാക്കുന്നതെന്ന് ജോ ബൈഡൻ വിശദീകരിച്ചു.
ട്രംപ് ഭരണകൂടം കഴിഞ്ഞ വർഷം മുതലാണ് ഗ്രീൻ കാർഡ് വിതരണം നിർത്തിവെച്ചിരുന്നത്. അമേരിക്കക്കാരുടെ തൊഴിലവസരങ്ങൾ സംരക്ഷിക്കാനെന്ന പേരിലായിരുന്നു നടപടി. ഇതിന്റെ ഫലമായി ഇന്ത്യക്കാർ അടക്കം പതിനായിരങ്ങളാണ് വൻ പ്രതിസന്ധി നേരിട്ടത്.
Read Also: നീരവ് മോദിയെ ഇന്ത്യക്ക് കൈമാറൽ; വിധി ഇന്ന്