ബംഗളൂര്: കള്ളപ്പണ കേസില്‍ അറസ്‌റ്റിലായ ബിനീഷ് കോടിയേരിയുടെ റിമാന്‍ഡ് കാലാവധി ഇന്ന് അവസാനിക്കും. ബംഗളൂര് സിറ്റി സെഷന്‍സ് കോടതിയില്‍ ബിനീഷിനെ ഹാജരാക്കും. വെള്ളിയാഴ്‌ച ജാമ്യാപേക്ഷയില്‍ കോടതി തുടര്‍വാദം കേള്‍ക്കും. ബിനീഷിന്റെ ബിനാമികളെന്ന് സംശയിക്കുന്നവരില്‍ ചിലരെ വീണ്ടും ചോദ്യം ചെയ്യാനും എൻഫോഴ്‌സ്‌മെന്റ് നീക്കമുണ്ട്.
ബിനീഷുമായി വന്‍ തുകയുടെ സാമ്പത്തിക ഇടപാട് നടത്തിയ എസ് അരുണിനും ബിനീഷിന്റെ ഡ്രൈവറായ അനിക്കുട്ടനും എൻഫോഴ്‌സ്‌മെന്റ് നോട്ടീസ് നല്‍കിയിട്ടുണ്ട്. എന്നാല്‍ ഇരുവരും ഇതുവരെ അനേഷണ സംഘത്തിന് മുന്നില്‍ ഹാജരായിട്ടില്ല.
Read Also: ആന്റിജൻ പരിശോധന കിറ്റുകൾക്ക് ഗുണ നിലവാരമില്ല; തിരിച്ചയക്കാൻ തീരുമാനം
മാത്രവുമല്ല ബിനീഷിന്റെ ബിനാമികളെന്ന് സംശയിക്കുന്നവരില്‍ ചിലരെ വീണ്ടും ചോദ്യം ചെയ്യാനും എൻഫോഴ്‌സ്‌മെന്റ് ഒരുങ്ങുന്നുണ്ട്. ഇവരെ ബിനീഷിനൊപ്പം ഇരുത്തി ചോദ്യം ചെയ്യുമെന്നാണ് അറിയുന്നത്.
