കോഴിക്കോട്: കോവിഡ് നിയന്ത്രണങ്ങൾ ലംഘിച്ച് കോഴിക്കോട് ബിജെപിയുടെ പ്രതിഷേധ പരിപാടി. കോഴിക്കോട് മുതലക്കുളം മൈതാനത്താണ് ബിജെപിയുടെ പ്രതിഷേധ പരിപാടി നടന്നത്. ബിജെപി സംസ്‌ഥാന അധ്യക്ഷൻ കെ സുരേന്ദ്രൻ, എംടി രമേശ്, ജില്ലാ നേതാക്കളും പ്രതിഷേധത്തിൽ പങ്കെടുത്തു.
പരിപാടിയിൽ അഞ്ഞൂറിലധികം ആളുകളുടെ സാന്നിധ്യം ഉണ്ടായിരുന്നു. അതേസമയം, സിപിഐഎം തിരുവനന്തപുരം സമ്മേളനങ്ങൾക്കെതിരെ വിമർശനങ്ങളെ പ്രതിരോധിച്ച് പാർട്ടി സംസ്‌ഥാന സെക്രട്ടറി കോടിയേരി ബാലകൃഷ്‌ണൻ രംഗത്തെത്തി. തിരുവനന്തപുരം സമ്മേളനം നടന്നത് കോവിഡ് മാനദണ്ഡങ്ങൾ പാലിച്ചാണെന്ന് കോടിയേരി പറഞ്ഞു.
ഒരുലക്ഷത്തിലേറെ പേർ പങ്കെടുക്കുന്ന സമ്മേളനങ്ങളും റാലിയും സാധാരണ നടത്താറുണ്ട്. ഹാളുകളാണെങ്കിൽ 300 പേരെ പങ്കെടുപ്പിക്കാൻ തിരഞ്ഞെടുപ്പ് കമ്മിഷൻ അനുവദിക്കുകയും ചെയ്‌തിട്ടുണ്ട്‌. വിമർശനങ്ങൾ സാധാരണയാണെന്നും തിരുവായക്ക് എതിർവാ ഇല്ലാത്ത പാർട്ടിയല്ല സിപിഐഎം എന്നും കോടിയേരി ബാലകൃഷ്‌ണൻ തുറന്നടിച്ചു.
Most Read: കോവിഡ് വ്യാപനം; പൊൻമുടി വിനോദ സഞ്ചാര കേന്ദ്രം അടച്ചു
