ഹൈദരാബാദ് : രക്തസമ്മര്ദ്ദത്തില് ഉണ്ടായ വ്യതിയാനത്തെ തുടര്ന്ന് ആശുപത്രിയില് ചികില്സയില് കഴിയുന്ന തമിഴ് താരം രജനികാന്തിന്റെ രക്തസമ്മര്ദ്ദം സാധാരണ നിലയിലായില്ലെങ്കിലും ആരോഗ്യ സ്ഥിതിയില് ആശങ്കപ്പെടേണ്ട കാര്യമില്ലെന്ന് അധികൃതര് വ്യക്തമാക്കി. ഹൈദരാബാദിലെ അപ്പോളോ ആശുപത്രിയിലാണ് രജനികാന്ത് ചികില്സയില് കഴിയുന്നത്. രക്തസമ്മര്ദ്ദം സാധാരണ നിലയിലാകുന്നതോടെ ആശുപത്രി വിടുമെന്നാണ് അധികൃതര് ഇപ്പോള് വ്യക്തമാക്കുന്നത്.
താരത്തിന് ഇന്ന് നടത്തിയ പരിശോധനയുടെ ഫലങ്ങള് വൈകുന്നേരത്തോടെ വരുന്നത് പരിഗണിച്ചായിരിക്കും ഡിസ്ചാര്ജുമായി ബന്ധപ്പെട്ട തീരുമാനങ്ങള് എടുക്കുക. ക്രിസ്മസ് ദിനത്തില് രാവിലെയാണ് രക്തസമ്മര്ദ്ദത്തില് വ്യതിയാനം അനുഭവപ്പെട്ടതിനെ തുടര്ന്ന് രജനികാന്തിനെ ഹൈദരാബാദിലെ അപ്പോളോ ആശുപത്രിയില് പ്രവേശിപ്പിച്ചത്. നിലവില് അദ്ദേഹത്തിന് പൂര്ണ വിശ്രമം ആവശ്യമാണെന്നും, അതിനാല് തന്നെ സന്ദര്ശകര്ക്ക് അനുമതി നല്കില്ലെന്നും ആശുപത്രി അധികൃതര് വ്യക്തമാക്കിയിട്ടുണ്ട്.
Read also : പ്രധാനമന്ത്രി സത്യങ്ങള് വളച്ചൊടിക്കുന്നു; മമതാ ബാനര്ജി