മലപ്പുറം: കൈക്കൂലി വാങ്ങുന്നതിനിടെ മുതുവല്ലൂർ പഞ്ചായത്ത് അസിസ്റ്റന്റ് എഞ്ചിനീയർ എസ് ബിനീതയെ (43) വിജിലൻസ് സംഘം അറസ്റ്റ് ചെയ്തു. കൊല്ലം സ്വദേശിനിയാണ്. മരാമത്ത് കരാറുകാരൻ കൊണ്ടോട്ടി സ്വദേശി മുഹമ്മദ് ഷാഫി മലപ്പുറം വിജിലൻസ് ഡിവൈഎസ്പി ഫിറോസ് എം ഷഫീഖിന് നൽകിയ പരാതിയെ തുടർന്നാണ് നടപടി.
മുതുവല്ലൂർ വെറ്ററിനറി ആശുപത്രിയുടെ ചുറ്റുമതിൽ നിർമാണവുമായി ബന്ധപ്പെട്ടായിരുന്നു പരാതി. കരാർ പ്രകാരമുള്ള 4 ലക്ഷം രൂപയുടെ ബിൽ പാസാക്കുന്നതിന് പലതവണ പഞ്ചായത്തിലെത്തി ഇവരെ കണ്ടിരുന്നു. എന്നാൽ ബിൽ തുകയുടെ 2% കൈക്കൂലിയായി വേണമെന്ന് ആവശ്യപ്പെട്ടതായി പറയുന്നു. കൈക്കൂലി വാങ്ങുന്നതിനിടെയാണ് അറസ്റ്റ്.
Most Read: ‘എവിടെയോ കണ്ട് നല്ല പരിചയം’; സോഷ്യൽ മീഡിയയെ ഞെട്ടിച്ച് കോടീശ്വരൻ ലുക്കുള്ള വയസൻ നായ