എടപ്പാൾ: കുറ്റിപ്പുറം ഭാഗത്തേക്കുള്ള റോഡുകളിൽ തകർന്നുകിടക്കുന്നതും അടച്ചിട്ടതുമായ ബൈപ്പാസുകൾ ടാർചെയ്ത് ഗതാഗത യോഗ്യമാക്കാനുള്ള പ്രവർത്തികൾക്ക് തിങ്കളാഴ്ച തുടക്കമായി. തടസങ്ങൾ ഒഴിവാക്കി നടപ്പാതയും റോഡരികും എല്ലാം ഉപയോഗപ്പെടുത്തി ബൈപ്പാസ് പരമാവധി വീതിയാക്കുന്ന പണികളാണ് ആരംഭിച്ചിട്ടുള്ളത്.
ചൊവ്വാഴ്ച മുതൽ വ്യാഴാഴ്ച വരെ ഗതാഗത നിയന്ത്രണവും ഏർപ്പെടുത്തിയിട്ടുണ്ട്. കുറ്റിപ്പുറം റോഡിൽ നിന്ന് ടൗണിലേക്കുള്ള പ്രവേശനം മാസങ്ങളായി നിരോധിച്ചിരിക്കുകയാണ്. ചൊവ്വാഴ്ച 8 മുതൽ വ്യാഴാഴ്ച പുലർച്ചെ 6 വരെയാണ് ഗതാഗതനിയന്ത്രണം. ഇതിനുശേഷം തൃശൂർ റോഡിന്റെ ഇടതുവശം ടാറിങ് നടത്തും.
കോഴിക്കോട് ഭാഗത്തേക്കുള്ള റോഡും തൃശൂർ ഭാഗത്തേക്കുള്ള റോഡും ടാർ ചെയ്ത് സൗകര്യപ്രദമാക്കും. 26നകം ടൗണിലെ ബൈപാസുകൾ തുറന്നുനൽകാമെന്ന് കഴിഞ്ഞദിവസം നടന്ന അവലോകന യോഗത്തിൽ കമ്പനി പ്രതിനിധികൾ ഉറപ്പ് നൽകിയിട്ടുണ്ട്.
Read also: ലോകജലദിനം; തണ്ണീർ പന്തലൊരുക്കി എസ്വൈഎസ്