കോഴിക്കോട്: കെഎം ഷാജി എംഎൽഎക്ക് എതിരായ അനധികൃത സ്വത്ത് സമ്പാദനക്കേസിൽ റിപ്പോർട് സമർപ്പിക്കാൻ 10 ദിവസം കൂടി അനുവദിച്ച് വിജിലൻസ് കോടതി. റിപ്പോർട് സമർപ്പിക്കാൻ 10 ദിവസം കൂടി സമയം അനുവദിക്കണമെന്ന വിജിലൻസ് അന്വേഷണ സംഘത്തിന്റെ ആവശ്യം അംഗീകരിച്ചാണ് കോഴിക്കോട് വിജിലൻസ് കോടതി ജഡ്ജി കെവി ജയകുമാറിന്റെ ഉത്തരവ്.
നവംബർ 11നാണ് അനധികൃത സ്വത്ത് സമ്പാദനക്കേസിൽ മുസ്ലിം ലീഗ് എംഎൽഎ കെഎം ഷാജിക്കെതിരെ അന്വേഷത്തിന് കോടതി ഉത്തരവിട്ടത്. ചൊവ്വാഴ്ച റിപ്പോർട് നൽകണം എന്നായിരുന്നു ഉത്തരവ്. പ്രാഥമികാന്വേഷണം ആരംഭിച്ചതായും റിപ്പോർട് ഹാജരാക്കാൻ കൂടുതൽ സമയം വേണമെന്നും അന്വേഷണ സംഘം ആവശ്യപ്പെട്ടു.
ഹരജിക്കാരനായ അഡ്വ. എംആർ ഹരീഷ്, വിജിലൻസ് പ്രോസിക്യൂട്ടർ ഒ ശശി, വിജിലൻസ് സിഐ ഗണേശ്കുമാർ തുടങ്ങിയവർ കോടതിയിൽ ഹാജരായി.
Also Read: മഞ്ചേശ്വരത്ത് സിപിഎമ്മിൽ തർക്കം; കെആർ ജയാനന്ദനെ തള്ളി മണ്ഡലം കമ്മിറ്റി