മഞ്ചേശ്വരം: ലോറി ഡ്രൈവറെ വധിക്കാൻ ശ്രമിച്ച കേസിലെ പ്രതി പിടിയിൽ. മിയാപദവ് സ്വദേശിയായ ഇബ്രാഹിം അർഷാദ് (29) ആണ് അറസ്‌റ്റിലായത്‌. ഒരാഴ്‌ച മുൻപ് മിയാപദവ് ബാളിയൂരിൽ അർഷാദും സുഹൃത്തും ചേർന്ന് ലോറിക്ക് കുറുകെ കാർ നിർത്തി ലോറി ഡ്രൈവറായ യുവാവിനെ വലിച്ചിറക്കി വധിക്കാൻ ശ്രമിച്ചുവെന്നാണ് കേസ്.
അർഷാദ് മിയാപദവിയിലെ മൈതാനത്ത് സമീപമുണ്ടെന്ന രഹസ്യവിവരത്തെ തുടർന്ന് മഞ്ചേശ്വരം എസ്‌ഐ എൻപി രാഘവന്റെ നേതൃത്വത്തിലുള്ള പോലീസ് സംഘം സ്‌ഥലത്തെത്തിയിരുന്നു. എന്നാൽ, പോലീസ് എത്തിയതറിഞ്ഞ് അർഷാദ് ഓടി സമീപത്തുള്ള കെട്ടിടത്തിൽ ഒളിച്ചിരിക്കുകയായിരുന്നു. പിന്നാലെ പോലീസ് എത്തിയതോടെ അവിടെ നിന്നും രക്ഷപെട്ടു.
പിന്നീട് തൊട്ടടുത്ത ഒരു വീട്ടിലേക്ക് ഓടിക്കയറിയ ഇയാളെ വീട് വളഞ്ഞിട്ടാണ് പോലീസ് അറസ്‌റ്റ് ചെയ്‌തത്. കൂട്ടു പ്രതിക്കായുള്ള അന്വേഷണം നടന്നുവരികയാണ്. അർഷാദിനെതിരെ കർണാടകയിൽ കഞ്ചാവ് കടത്ത് കേസുമുണ്ട്. മഞ്ചേശ്വരം സ്‌റ്റേഷനിൽ ഇയാൾക്കെതിരെ നിരവധി കേസുകൾ രജിസ്‌റ്റർ ചെയ്‌തിട്ടുണ്ടെന്നും പോലീസ് പറഞ്ഞു.
Most Read: കർഷകന്റെ മരണം; ഒലിപ്പാറയിൽ കാട്ടുപന്നിയെ കൊല്ലാൻ രണ്ടുപേരെ നിയോഗിച്ച് വനംവകുപ്പ്
