ബെയ്‌റൂട്ട്: സോഷ്യൽ മീഡിയയിൽ വൈറലായി ഒരു പൂച്ചക്കുട്ടി. വാർത്ത റിപ്പോർട്ട് ചെയ്യുന്നതിനിടെ സ്‌കൈ ന്യൂസ് സീനിയർ റിപ്പോർട്ടർ ലാരിസ ഔന്റെ സമീപമെത്തിയ തെരുവിലെ ഒരു പൂച്ചക്കുട്ടിയുടെ കുസൃതിയാണ് സോഷ്യൽ മീഡിയയിൽ വൈറലായിരിക്കുന്നത്.
ലബനൻ തലസ്‌ഥാനമായ ബെയ്‌റൂട്ടിലെ തെരുവിൽ നിന്ന് ഇവിടുത്തെ തുറമുഖത്ത് ഉണ്ടായ സ്‌ഫോടനത്തെ കുറിച്ചുള്ള വിവരങ്ങൾ ക്യാമറക്ക് മുന്നിൽ പങ്കുവക്കവെയാണ് പൂച്ചക്കുട്ടി ലാരിസയുടെ അടുത്തെത്തിയത്. പിന്നീട് ലാരിസയുടെ ഓവർ കോട്ടിൽ നിന്ന് തൂങ്ങി നിന്ന ബെൽറ്റിലായി പൂച്ചക്കുട്ടിയുടെ കണ്ണുകൾ. ബെൽറ്റിൽ പിടിച്ചു വലിച്ചും കടിച്ചും ഗംഭീര കളിയിലായി പൂച്ചക്കുഞ്ഞ്.
ഇതൊന്നും ശ്രദ്ധിക്കാതെ ലാരിസ വാർത്ത റിപ്പോർട്ട് ചെയ്യുകയും ചെയ്‌തു. വാർത്താ വിവരങ്ങൾ പങ്കുവച്ചു കഴിഞ്ഞതിന് ശേഷം ലാരിസ പൂച്ചക്കുട്ടിയുടെ കുസൃതി കണ്ട് പൊട്ടിച്ചിരിക്കുകയും ചെയ്‌തു. ഇതിന്റെ വീഡിയോ ലാരിസ ട്വിറ്ററിൽ പോസ്‌റ്റ് ചെയ്‌തിരുന്നു.
My most loyal follower … ??? pic.twitter.com/2vS6a4i4fq
— Larissa Aoun (@LarissaAounSky) December 18, 2020
ഗൗരവമേറിയ റിപ്പോർട്ടിംഗിനിടയിൽ രസകരമായ കുറച്ചു നിമിഷം നൽകിയെന്ന് ചിലർ കമന്റ് ചെയ്‌തു. തടസമെന്ന് ഒരാൾ അതിനെ വിശേഷിപ്പിച്ചപ്പോൾ, ‘യഥാർഥത്തിൽ തടസപ്പെട്ടതിനേക്കാൾ കൂടുതൽ വിനോദമാണ് ആ പൂച്ചക്കുട്ടി സമ്മാനിച്ചത്’ എന്നായിരുന്നു ലാരിസയുടെ മറുപടി.
Also Read: കുട്ടികളില്ലാത്ത കര്‍ഷക ദമ്പതികള്‍ക്ക് ദത്തുപുത്രനായി ‘കാളക്കുട്ടി’
