ന്യൂഡെൽഹി: സിബിഎസ്ഇ 10, 12 ക്ളാസുകളിലെ പരീക്ഷ മെയ് 4 മുതൽ ജൂൺ 10 വരെ നടക്കും. അതേസമയം, സ്കൂളുകളിലെ പ്രാക്ടിക്കൽ പരീക്ഷകൾ മാർച്ച് 1 മുതൽ തുടങ്ങും. പരീക്ഷകളുടെ ടൈംടേബിൾ ഫെബ്രുവരി രണ്ടിന് പ്രസിദ്ധീകരിക്കുമെന്ന് കേന്ദ്ര വിദ്യാഭ്യാസ മന്ത്രി രമേശ് പൊഖ്രിയാല് അറിയിച്ചു. ജൂൺ 15ഓടെ ബോർഡ് പരീക്ഷകളുടെ ഫലപ്രഖ്യാപനം വരും.
45 വർഷത്തെ വിദ്യാർഥികളുടെ വിവരങ്ങൾ ഡിജിറ്റൽവൽക്കരിക്കും. ഇത് മാർച്ച് ഒന്നിന് നിലവിൽ വരുമെന്നും വിദ്യാഭ്യാസമന്ത്രി അറിയിച്ചു. എഴുത്തുപരീക്ഷയായാണ് പരീക്ഷകൾ നടത്തുക. ബോർഡ് പരീക്ഷകൾ ഓൺലൈനാകില്ലെന്ന് സിബിഎസ്ഇ നേരത്തെ വ്യക്തമാക്കിയിരുന്നു.
Read also: കേന്ദ്ര ബജറ്റ് ഫെബ്രുവരി ഒന്നിന്; പാർലമെന്റ് സമ്മേളനത്തിന് ഇന്ന് തുടക്കം