ന്യൂഡെൽഹി: രാജ്യത്ത് റാബി വിളകളുടെ താങ്ങുവില ഉയർത്തി കേന്ദ്രസർക്കാർ. ഗോതമ്പ്, ബാർലി എന്നിവയടക്കമുള്ള 5 വിളകളുടെ താങ്ങുവിലയാണ് ഇപ്പോൾ ഉയർത്തിയത്. ഗോതമ്പിന് ക്വിന്റലിന് 2,015 രൂപയാക്കിയാണ് ഉയര്ത്തിയത്. നേരത്തെ ഇത് 1,975 രൂപയായിരുന്നു.
റാബി വിളകളുടെ താങ്ങുവില ഉയർത്തിയ തീരുമാനം ഗുജറാത്ത്, ഉത്തർപ്രദേശ്, തമിഴ്നാട് തുടങ്ങിയ 8 സംസ്ഥാനങ്ങൾക്ക് ഗുണം ചെയ്യുമെന്നാണ് മന്ത്രിമാരായ അനുരാഗ് ഠാക്കൂര്, പിയൂഷ് ഗോയല് എന്നിവർ വ്യക്തമാക്കിയത്. കൂടാതെ വസ്ത്ര നിര്മാണ മേഖലക്ക് ഉൽപാദന അനുബന്ധ സഹായവും പ്രഖ്യാപിച്ചിട്ടുണ്ട്. അഞ്ച് വർഷത്തേക്ക് 10,683 കോടി രൂപ ലഭ്യമാക്കാനാണ് മന്ത്രിസഭയുടെ തീരുമാനം.
Read also: നിപ ഭീതി ഒഴിയുന്നു; 16 പേരുടെ സാമ്പിളുകൾ കൂടി നെഗറ്റീവ്