പെരിയ: നാലേക്കറിൽ ചെറുവനം നിർമിക്കാൻ പദ്ധതിയുമായി കേരള കേന്ദ്ര സർവ്വകലാശാല. ക്യാംപസ് വികസന കമ്മറ്റിയുടെ നേതൃത്വത്തിൽ സാമൂഹ്യ വനവൽക്കരണ വിഭാഗത്തിന്റെ സഹകരണത്തോടെ ദേശീയ പാതക്കരികിലാണ് ചെറുവനം ഒരുങ്ങുന്നത്. മിയാവാക്കി മാതൃകയിൽ അറുപതിനായിരത്തിൽ അധികം മരങ്ങളാണ് ഇവിടെ നട്ടുപിടിപ്പിക്കുന്നത്.
വൈസ് ചാൻസലർ പ്രൊഫ. എച്ച് വെങ്കടേശ്വർലു മരം നട്ട് പദ്ധതി ഉൽഘാടനം ചെയ്തു. ഒപ്പം അധ്യാപകരും ജീവനക്കാരും മരം നട്ടു. ഇലവങ്കം, ഇലിപ്പ, ഈട്ടി, ഉരുപ്പ്, കമ്പകം, നീർമരുത്, ഞാവൽ, നെല്ലി, മുള തുടങ്ങി കേരളത്തിലെ കാലാവസ്ഥയിൽ സ്വാഭാവികമായി വളരുന്ന മരങ്ങളാണ് ഇവിടെ നട്ട് പരിപാലിക്കുക.
Read Also: ഉൽഘാടന ചടങ്ങുകളില്ല; കുതിരാന് തുരങ്കം തുറന്നു