ഡെല്‍ഹി: ട്രാന്‍സ്ജെന്‍ഡേഴ്സിനെ ഒബിസി പട്ടികയില്‍ ഉള്‍പ്പെടുത്താന്‍ കേന്ദ്ര സര്‍ക്കാര്‍ നീക്കം നടത്തുന്നു. വിദ്യാഭ്യാസം, തൊഴില്‍ അടക്കമുള്ള മേഖലകളില്‍ സംവരണം നല്‍കാനാണ് പട്ടികയില്‍ ഉള്‍പ്പെടുത്താന്‍ നടപടികള്‍ തുടങ്ങിയത്.
സുപ്രീം കോടതിയുടെ ഉത്തരവിനെ തുടര്‍ന്നാണ് കേന്ദ്രസര്‍ക്കാര്‍ നടപടി. വ്യത്യസ്‌തങ്ങളായ നിരവധി സാമൂഹ്യ പ്രശ്‌നങ്ങള്‍ ട്രാന്‍സ്ജെന്‍ഡേഴ്സ് അനുഭവിക്കുന്നുണ്ട്. മുഖ്യധാരയില്‍ ആത്‍മാഭിമാനത്തോടെ ജീവിക്കാനുള്ള അവസരം പ്രധാനം ചെയ്യുക എന്നതാണ് ഇതിനു പരിഹാരം.
Also Read: സ്വവര്‍ഗ വിവാഹം; കേന്ദ്ര സര്‍ക്കാരിനോട് നിലപാട് ആരാഞ്ഞ് ഡെല്‍ഹി ഹൈക്കോടതി
സാമുഹ്യക്ഷേമ മന്ത്രാലയം വിവിധ തലത്തില്‍ നടത്തിയ ചര്‍ച്ചകളിലാണ് ഈ തീരുമാനം ഉയര്‍ന്നു വന്നത്. കേന്ദ്രമന്ത്രിസഭാ യോഗം നിര്‍ദേശം അംഗീകരിച്ചതിന് ശേഷം പാര്‍ലമെന്റിന്റെ അനുവാദം കൂടി തേടിയതിന് ശേഷമാകും നടപ്പാക്കുക.
