ആലപ്പുഴ: ആലപ്പുഴയില് പള്ളി വികാരിയെ തൂങ്ങിമരിച്ച നിലയില് കണ്ടെത്തി. കാളാത്ത് സെന്റ് പോള്സ് പള്ളി വികാരിയായ ഫാ. സണ്ണി അറക്കലിനെയാണ് (65) തൂങ്ങിമരിച്ച നിലയില് കണ്ടെത്തിയത്. ചൊവ്വാഴ്ച വൈകിട്ട് നാലരയോടെയാണ് സംഭവം. പള്ളിയുടെ ഓഡിറ്റോറിയത്തിലാണ് മൃതദേഹം കണ്ടെത്തിയത്.
പോലീസ് സ്ഥലത്തെത്തി മേല്നടപടികള് സ്വീകരിച്ചു. മാരാരിക്കുളം ചെത്തി സ്വദേശിയായ ഫാ. സണ്ണി കഴിഞ്ഞ അഞ്ച് വർഷമായി കത്തോലിക്ക സഭക്ക് കീഴിലുള്ള കാളാത്ത് പള്ളിയില് വികാരിയായിരുന്നു. സഭയുടെ തന്നെ ചേര്ത്തലയിലുള്ള മറ്റൊരു ആരാധനാലയത്തിലേക്ക് ഫാദറിന് സ്ഥലം മാറ്റം ലഭിച്ചതായി അടുത്തിടെ അറിയിപ്പ് ലഭിച്ചിരുന്നു.
Most Read: ‘പങ്കാളികളായ യുവതികൾക്ക് ഒരുമിച്ച് ജീവിക്കാം’; ഹൈക്കോടതി