ന്യൂഡെൽഹി: രാജ്യതലസ്ഥാനം പൂർണമായും അടച്ചിടാൻ തീരുമാനമില്ലെന്ന് ഡെൽഹി മുഖ്യമന്ത്രി അരവിന്ദ് കെജ്രിവാൾ. കോവിഡ് കേസുകൾ ഉയരുന്നുണ്ടെങ്കിലും ജനജീവിതത്തെ ബാധിക്കാത്ത തരത്തിൽ നിയന്ത്രണങ്ങൾ കൊണ്ടുവരാനാണ് സർക്കാർ ലക്ഷ്യമിടുന്നതെന്നും മുഖ്യമന്ത്രി വ്യക്തമാക്കി. ഡെൽഹിയിൽ രാത്രികാല, വാരാന്ത്യ കർഫ്യൂകൾ നിലവിലുണ്ട്.
‘കൂടുതൽ കേസുകൾ ആശങ്കാജനകമാണ്, പക്ഷേ നമ്മൾ ഭയപ്പെടേണ്ടതില്ല. അവസാന തരംഗത്തിൽ നിന്നുള്ള വിവരങ്ങൾ വിശകലനം ചെയ്തതിന് ശേഷമാണ് ഞാൻ പറയുന്നത്’- കെജ്രിവാൾ പറഞ്ഞു. ശനിയാഴ്ച 20,181 പേർക്കാണ് ഡെൽഹിയിൽ കോവിഡ് ബാധ സ്ഥിരീകരിച്ചത്. 19.60 ശതമാനമാണ് ടെസ്റ്റ് പോസിറ്റിവിറ്റി നിരക്ക്. 513 ഒമൈക്രോൺ കേസുകൾ റിപ്പോർട് ചെയ്തപ്പോൾ 57 പേർക്ക് മാത്രമാണ് ഭേദമായത്.
Read also: സുപ്രീം കോടതിയിലെ നാല് ജഡ്ജിമാര്ക്ക് കോവിഡ്; 150ലധികം ജീവനക്കാര് ക്വാറന്റെയ്നിൽ