തിരുവനന്തപുരം: ബാബറി മസ്ജിദ് തകര്ത്ത കേസില് സി ബി ഐ കോടതിയുടെ വിധി ദൗര്ഭാഗ്യകരമെന്ന് മുഖ്യമന്ത്രി പിണറായി വിജയന്. ബാബറി മസ്ജിദ് തകര്ത്തത് കടുത്ത നിയമ ലംഘനമാണെന്ന് സുപ്രീം കോടതി തന്നെ മുന്പ് പറഞ്ഞിട്ടുണ്ട്. തങ്ങളെ തടയാന് കോടതിയാരാണെന്ന് ചോദിച്ചവരടക്കം കണ്മുന്നിലുണ്ട്. അവര് ശിക്ഷിക്കപ്പെടാത്തത് ദുഖകരമാണെന്ന് മുഖ്യമന്ത്രി വാര്ത്താ സമ്മേളനത്തില് പറഞ്ഞു.
ബാബറി മസ്ജിദ് പൊളിച്ചതിന്റെ ഉത്തരവാദിത്തം സംഘവരിവാറിനാണെങ്കില് അതിന് ഒത്താശ ചെയ്തത് കോണ്ഗ്രസാണ്. മസ്ജിദ് തകര്ത്തപ്പോള് കോണ്ഗ്രസ് മൗനമാചരിച്ചു. ഇന്നത്തെ ഇന്ത്യന് സാഹചര്യത്തില് വര്ഗീയ ആധിപത്യത്തിനെതിരെ പൊരുതേണ്ടതുണ്ട്. ബാബറി മസ്ജിദ് ഒരു പള്ളി പൊളിച്ചതല്ല. ഗാന്ധി വധം പോലെ താരതമ്യം ഇല്ലാത്ത കുറ്റകൃത്യമാണ്. പ്രതികള്ക്ക് ശിക്ഷ വാങ്ങിക്കൊടുക്കാന് ഉള്ള ഉത്തരവാദിത്തം സിബിഐക്ക് ഉണ്ടെന്നും മുഖ്യമന്ത്രി പറഞ്ഞു.
Read Also: നൂറ് ദിവസത്തിനുള്ളില് 50000 തൊഴിലവസരങ്ങള് സൃഷ്ടിക്കും; മുഖ്യമന്ത്രി