കണ്ണൂർ: ഖേലോ ഇന്ത്യ പദ്ധതിയിൽ ഉൾപ്പെടുത്തി കണ്ണൂർ ഗവ. മെഡിക്കൽ കോളേജിൽ സിന്തറ്റിക് ട്രാക്കിന്റെ പ്രവൃത്തി 19ന് തുടങ്ങും. ഏഴു കോടി രൂപ ചിലവിട്ട് 400 മീറ്റർ സിന്തറ്റിക് ട്രാക്കും, എംഎൽഎയുടെ ആസ്തി വികസന ഫണ്ടിൽ നിന്ന് 58 ലക്ഷം രൂപ ചിലവഴിച്ച് ഫുട്ബോൾ ഫീൽഡുമാണ് നിർമിക്കുന്നത്. പദ്ധതിയുടെ പ്രവർത്തനോൽഘാടനം 19ന് പകൽ 3.30ന് കായിക വകുപ്പ് മന്ത്രി ഇപി ജയരാജൻ ഓൺലൈനായി നിർവഹിക്കും .
ഐഎഎഎഫ് സ്റ്റാൻഡേർഡ് 8 ലൈൻ സിന്തറ്റിക്ക് ട്രാക്ക്, ജമ്പിങ് പിറ്റ്, ട്രാക്കിന്റെ സുരക്ഷക്കായുള്ള ഫെൻസിങ്, കാണികൾക്കായുള്ള പവിലിയൻ, കായിക താരങ്ങൾക്കായുള്ള ഡ്രസ് ചെയ്ഞ്ചിങ് റൂം, ബാത്ത്റൂം, എന്നിവക്കായി ഏഴ് കോടി രൂപയും നാച്വറൽ ഗ്രാസോടുകൂടിയുള്ള ഫുട്ബോൾ ഫീൽഡിനായി 58 ലക്ഷം രൂപയുമാണ് നീക്കിവച്ചിരിക്കുന്നത്. ഉൽഘാടന പരിപാടിക്കായി സംഘാടക സമിതി രൂപീകരിച്ചു.
Read Also: കാപ്പനെ നേരിടാൻ പാലായിൽ പദയാത്രയുമായി ജോസ് കെ മാണി