മുംബൈ: ചുമയ്ക്കുള്ള കഫ് സിറപ്പ് മരുന്ന് കുപ്പിയിൽ നിരോധിത മയക്കുമരുന്നായ കോഡിൻ കടത്താൻ ശ്രമം. താനെയിലാണ് സംഭവം. 8,640 മരുന്ന് കുപ്പികളിലാണ് കോഡിൻ കണ്ടെത്തിയത്. തുടർന്ന് സംഭവത്തിൽ രണ്ട് പേരെ അറസ്റ്റ് ചെയ്യുകയും ചെയ്തു.
ആഗ്ര–മുംബൈ ഹൈവേയിൽ എത്തിയ കാർ നാർക്കോട്ടിക് കൺട്രോൾ ബ്യൂറോയുടെ(എൻസിബി) ഒരു സംഘം തടയുകയായിരുന്നു. തുടർന്ന് നടത്തിയ പരിശോധനയിൽ 60 പെട്ടികളിലായി സൂക്ഷിച്ചിരുന്ന 8,640 കുപ്പികളിൽ ലഹരിമരുന്ന് കണ്ടെത്തുകയായിരുന്നു.
864 കിലോ കോഡിനാണ് പിടികൂടിയതെന്ന് അധികൃതർ വ്യക്തമാക്കി. കൂടാതെ വാഹനം ഓടിച്ചിരുന്ന ആളെ അറസ്റ്റ് ചെയ്യുകയും ചെയ്തു. തുടർന്ന് ഇയാൾ നൽകിയ വിവരത്തിന്റെ അടിസ്ഥാനത്തിലാണ് ഈ ലഹരിമരുന്ന് വാങ്ങാനിരുന്ന ആളെ പിടികൂടിയത്.
Read also: അസമിലും ഉത്തരാഖണ്ഡിലും കനത്ത മഴ തുടരുന്നു; മരണസംഖ്യ ഉയരുന്നു