ന്യൂഡെൽഹി: രാജ്യത്ത് റിപ്പോർട് ചെയ്യുന്ന പ്രതിദിന കോവിഡ് കേസുകളിൽ ഗണ്യമായ കുറവ് രേഖപ്പെടുത്തി. 3,116 പേർക്ക് കൂടിയാണ് രാജ്യത്ത് കഴിഞ്ഞ 24 മണിക്കൂറിൽ കോവിഡ് സ്ഥിരീകരിച്ചത്. കൂടാതെ പ്രതിദിന കോവിഡ് മരണസംഖ്യ 47 ആയും കുറഞ്ഞു. നിലവിൽ രാജ്യത്തെ രോഗമുക്തി നിരക്ക് 98.71 ശതമാനമായി ഉയർന്നത് വലിയ ആശ്വാസമാണ് സൃഷ്ടിക്കുന്നത്.
രാജ്യത്ത് ഇതുവരെ കോവിഡ് ബാധിതരായ ആളുകളുടെ എണ്ണം 4,29,90,991 ആയി ഉയർന്നിട്ടുണ്ട്. രോഗമുക്തി നിരക്ക് ഉയർന്നതിനാൽ തന്നെ 38,069 ആളുകൾ മാത്രമാണ് നിലവിൽ കോവിഡ് ബാധിച്ച് ചികിൽസയിൽ കഴിയുന്നത്. കൂടാതെ ഇതുവരെ കോവിഡ് ബാധയെ തുടർന്ന് രാജ്യത്ത് മരണപ്പെട്ട ആളുകളുടെ എണ്ണം 5,15,850 ആയി ഉയർന്നിട്ടുണ്ട്.
രാജ്യത്ത് കോവിഡ് വാക്സിൻ സ്വീകരിച്ച ആളുകളുടെ എണ്ണത്തിലും വർധനവ് രേഖപ്പെടുത്തിയിട്ടുണ്ട്. 180 കോടി ആളുകളാണ് രാജ്യത്ത് ഇതുവരെ കോവിഡ് വാക്സിൻ സ്വീകരിച്ചത്.
Read also: ഹരിദാസൻ കൊലപാതകം; പ്രതികളെ പോലീസ് ചോദ്യം ചെയ്ത് തുടങ്ങി