ചെന്നൈ: ഐപിഎല്ലിൽ ബുധനാഴ്‌ച നടക്കേണ്ടിയിരുന്ന ചെന്നൈ സൂപ്പർ കിങ്‌സും രാജസ്‌ഥാൻ റോയൽസും തമ്മിലുള്ള മൽസരവും മാറ്റിവെച്ചു. ചെന്നൈ സൂപ്പർ കിങ്സിന്റെ ബൗളിംഗ് പരിശീലകൻ ആർ ബാലാജിക്ക് കോവിഡ് സ്‌ഥിരീകരിച്ചതിനെ തുടർന്നാണ് കളി മാറ്റിയത്.
ചെന്നൈ താരങ്ങൾ ഇനി 6 ദിവസത്തേക്ക് ക്വാറന്റെയ്‌നിൽ കഴിയേണ്ടിവരും. ക്വാറന്റെയ്ൻ കഴിഞ്ഞ് 3 ആർടിപിസിആർ ടെസ്‌റ്റുകളും നടത്തി അവ നെഗറ്റീവായാൽ മാത്രമേ ചെന്നൈ താരങ്ങൾക്ക് ഇനി കളിക്കളത്തിൽ ഇറങ്ങാനാകൂ.
ഐപിഎല്ലിൽ മാറ്റിവെക്കുന്ന രണ്ടാമത്തെ മൽസരമാണിത്. നേരത്തെ നടക്കേണ്ടിയിരുന്ന കൊൽക്കത്ത നൈറ്റ് റൈഡേഴ്‌സ്-റോയൽ ചലഞ്ചേഴ്‌സ് ബാംഗ്ളൂർ മൽസരവും കോവിഡ് മൂലം മാറ്റിവച്ചിരുന്നു. കൊൽക്കത്ത താരങ്ങളായ വരുൺ ചക്രവർത്തിയും സന്ദീപ് വാര്യരും കോവിഡ് പോസിറ്റീവായതിനെ തുടർന്നായിരുന്നു മൽസരം മാറ്റിവെച്ചത്.
Read also: ലോക്ക്‌ഡൗൺ സമാന നിയന്ത്രണം; റംസാൻ വിപണി നഷ്‌ടമായേക്കും; വ്യാപാരികൾ ആശങ്കയിൽ
