ന്യൂഡെൽഹി: കോവിഡ് പ്രതിസന്ധിയിൽ ഇന്ത്യക്ക് പിന്തുണയുമായി പാകിസ്‌ഥാൻ ക്രിക്കറ്റ് ടീം ക്യാപ്റ്റൻ ബാബർ അസം. ഒരുമിച്ച് പ്രാർഥിക്കാനും ഒരുമിച്ച് നിൽക്കാനുമുള്ള സമയമാണ് ഇതെന്ന് അദ്ദേഹം പറഞ്ഞു. എല്ലാവരും കോവിഡ് മുൻകരുതലുകൾ സ്വീകരിക്കണമെന്നും പാക് ക്യാപ്റ്റൻ തന്റെ ട്വിറ്റർ പേജിൽ കുറിച്ചു.
‘ഈ ദുരന്ത സമയത്ത് ഇന്ത്യയിലെ ജനങ്ങളോടൊപ്പം പ്രാർഥിക്കുന്നു. ഐക്യദാർഢ്യം പ്രകടിപ്പിക്കാനും ഒരുമിച്ച് പ്രാർഥിക്കാനുമുള്ള സമയമാണ് ഇത്. കോവിഡ് മുൻകരുതലുകൾ കർശനമായി പിന്തുടരാൻ ഞാൻ എല്ലാവരോടും അഭ്യർഥിക്കുന്നു, കാരണം ഇത് നമ്മുടെ സുരക്ഷക്ക് മാത്രമാണ്. നമുക്ക് ഒരുമിച്ച് ഇത് ചെയ്യാൻ കഴിയും’, ബാബർ കുറിച്ചു.
Prayers with the people of India in these catastrophic times. It’s time to show solidarity and pray together. I also request all the people out there to strictly follow SOPs, as it’s for our safety only. Together we can do it. #StayStrong pic.twitter.com/YCLb13ITlO
— Babar Azam (@babarazam258) April 26, 2021
ഇന്ത്യയിലെ ഓക്‌സിജൻ പ്രതിസന്ധിക്ക് കൈത്താങ്ങായി കൊൽക്കത്ത നൈറ്റ് റൈഡേഴ്‌സിന്റെ ഓസീസ് പേസർ പാറ്റ് കമ്മിൻസ് രംഗത്തെത്തിയിരുന്നു. പിഎം കെയേഴ്‌സിലേക്ക് 500,00 യുഎസ് ഡോളറാണ് കമ്മിൻസ് സംഭാവന നൽകിയത്. 37 ലക്ഷത്തിലധികം ഇന്ത്യൻ രൂപയാണ് ഇത്. തന്റെ ട്വിറ്റർ പേജിലൂടെ കമ്മിൻസ് തന്നെയാണ് ഈ വിവരം അറിയിച്ചത്.
Read Also: ഇന്ത്യയുടെ സ്‌ഥിതി ഹൃദയം തകർക്കുന്നത്; 2600 ജീവനക്കാരെ അധികമാക്കി ഡബ്ല്യുഎച്ച്ഒ
