ന്യൂഡെൽഹി: തലസ്ഥാന നഗരിയിലെ കോവിഡ് വ്യാപനം രൂക്ഷമാകുന്ന സാഹചര്യത്തിൽ പാർലമെന്റിന്റെ ശീതകാല സമ്മേളനം നീട്ടിവെക്കുമെന്ന് റിപ്പോർട്ടുകൾ. അടുത്ത വർഷം ആദ്യം നടക്കുന്ന ബജറ്റ് സമ്മേളനത്തോടൊപ്പം നടത്താനാണ് ഉദ്ദേശിക്കുന്നത്. ഫെബ്രുവരി 1നാണ് ബജറ്റ് അവതരിപ്പിക്കുക. അതിന് മുന്നോടിയായി ജനുവരി പകുതിക്ക് ശേഷം പാർലമെന്റ് ചേരും.
നേരത്തെ സെപ്റ്റംബറിൽ നടത്താൻ നിശ്ചയിച്ചിരുന്ന വർഷകാല സമ്മേളനം വെട്ടിച്ചുരുക്കിയിരുന്നു. എംപിമാർക്കും മറ്റ് ഉദ്യോഗസ്ഥർക്കും കോവിഡ് ബാധ സ്ഥിരീകരിച്ച സാഹചര്യത്തിൽ ആയിരുന്നു സമ്മേളനം വെട്ടിച്ചുരുക്കിയത്.
ഡെൽഹിയിൽ കോവിഡ് ബാധ വർധിക്കുകയാണ്. മറ്റ് ഉത്തരേന്ത്യൻ സംസ്ഥാനങ്ങളിലും രോഗബാധ കൂടിയതോടെ സമ്മേളനം നീട്ടിവെക്കാൻ തീരുമാനം എടുക്കുകയായിരുന്നു.
Read Also: പശ്ചിമ ബംഗാളിൽ തിരഞ്ഞെടുപ്പ് ചുമതലയിൽ നിന്ന് പോലീസിനെ മാറ്റിനിർത്തണം; ബിജെപി നേതാവ്