ലണ്ടന്: യൂറോപ്പില് കോവിഡ് വ്യാപനം രൂക്ഷമാകുന്നതിനിടെ സ്പെയിനില് കണ്ടെത്തിയ രൂപമാറ്റം സംഭവിച്ച 20എഇയു1 വൈറസിനെ ഇപ്പോള് പല രാജ്യങ്ങളിലും സ്ഥിരീകരിച്ചിട്ടുണ്ടെന്ന് പഠന റിപ്പോര്ട്ട്. ഇംഗ്ലണ്ടില് ഇപ്പോള് സ്ഥിരീകരിക്കുന്ന കോവിഡ് രോഗികളില് 80ശതമാനം പേരിലും ജനിതക മാറ്റം സംഭവിച്ച വൈറസാണ്.
സ്പെയിനില് പോയി വരുന്നവരില് നിന്നാണ് വൈറസ് വ്യാപനം രൂക്ഷമാകാന് കാരണമെന്നും ശാസ്ത്രഞ്ജരുടെ സംഘത്തിന്റെ ഗവേഷണത്തില് ചൂണ്ടിക്കാണിക്കുന്നു. യുറോപ്പിലെ കോവിഡിന്റെ രണ്ടാം വരവ് വിമാനത്താവളം അടക്കമുള്ള ഗതാഗത കേന്ദ്രങ്ങളിലെ പരിശോധന ശക്തമാക്കിയിരുന്നു എങ്കില് നിയന്ത്രിക്കാമായിരുന്നു. വൈറസ് നിയന്ത്രണത്തിനായി സ്വീകരിച്ച നടപടികള് പര്യാപ്തമല്ലെന്നാണ് നിലവിലെ സ്ഥിതി തെളിയിക്കുന്നതെന്ന് പഠനത്തിന് നേതൃത്വം നല്കിയ ബാസല് സര്വകലാശാലയിലെ എമ്മ ഹോഡ്ക്രോഫ്റ്റ് പറഞ്ഞു.
National News: സൈനികര്ക്ക് ഇനി സ്വന്തമായി സുരക്ഷിത മെസേജിങ് ആപ്പ്
ജൂണിലാണ് ജനിതക മാറ്റം സംഭവിച്ച വൈറസിനെ സ്പെയിനിലെ കര്ഷകരില് കണ്ടെത്തിയത്. പുതിയ രോഗികളില് സ്പെയിനില് 80ശതമാനവും അയര്ലന്ഡില് 60ഉം സ്വിറ്റ്സര്ലന്ഡ്, ഫ്രാന്സ് എന്നിവിടങ്ങളില് 40ശതമാനവും ജനിതക മാറ്റം സംഭവിച്ച വൈറസിലൂടെയാണ്. യുറോപ്പില് വ്യാപനം രൂക്ഷമായ സാഹചര്യത്തില് സ്പെയിനില് അടിയന്തരാവസ്ഥ പ്രഖ്യാപിക്കുകയും മറ്റ് പല രാജ്യങ്ങളും ലോക്ഡൗണ് അടക്കമുള്ള കടുത്ത നിയന്ത്രണത്തിലേക്കും നീങ്ങിയിരിക്കുകയാണ്.