ന്യൂഡെൽഹി: നാലര മാസത്തിന് ശേഷം രാജ്യത്തെ പ്രതിദിന കോവിഡ് കണക്ക് മുപ്പതിനായിരത്തിന് താഴെയെത്തി. 24 മണിക്കൂറിനിടെ 29,689 പേർക്കാണ് കോവിഡ് സ്‌ഥിരീകരിച്ചത്. 415 മരണം കൂടി ഔദ്യോഗികമായി രേഖപ്പെടുത്തിയിട്ടുണ്ട്. ഇന്നലെ മാത്രം 42,363 പേർക്ക് രോഗമുക്‌തി ഉണ്ടായിട്ടുണ്ട്. 3,06,21,469 പേർ ഇത് വരെ രോഗമുക്‌തി നേടി.
ടെസ്‌റ്റ് പോസിറ്റിവിറ്റി നിരക്ക് ഇപ്പോൾ 1.73 ശതമാനമായി കുറഞ്ഞു എന്നതാണ് ആശ്വാസകരമായ വാർത്ത. 3,98,100 പേരാണ് നിലവിൽ രാജ്യത്ത് കോവിഡ് സ്‌ഥിരീകരിച്ച് ചികിൽസയിൽ കഴിയുന്നത്. വാക്‌സിൻ ക്ഷാമം തുടരുന്നതിനിടെ ഇത് വരെ 44,19,12,395 ഡോസ് വാക്‌സിൻ രാജ്യത്ത് ഇത് വരെ വിതരണം ചെയ്‌തു. ഇന്നലെ മാത്രം സംസ്‌ഥാനങ്ങൾക്ക് 66 ലക്ഷം ഡോസുകൾ നൽകിയിട്ടുണ്ടെന്നും ആരോഗ്യ മന്ത്രാലയം അറിയിച്ചു.
Read Also: പ്രതിഷേധം ശക്‌തം; അഫ്‌ഗാന് പിന്നാലെ ഇറാഖിൽ നിന്നും പിൻമാറാൻ ഒരുങ്ങി യുഎസ്‌ സൈന്യം
